08.11.2024 | 13:25
Կառավարությունը հաստատել է «Նախադպրոցական կրթության մասին» օրենքի փոփոխության նախագիծը
Միջուկային զենքի արգելման մասին պայմանագիրը ուժի մեջ է մտել
Քաղաքականություն
22.01.2021 | 16:28
Ուրբաթ օրը՝ հունվարի 22-ին, ուժի մեջ է մտել Միջուկային զենքի արգելման մասին միջազգային պայմանագիրը։ Ավելի քան երկու տասնամյակի ընթացքում ընդունված այս առաջին միջազգային փաստաթուղթը կարևոր քայլ է դեպի «աշխարհ առանց միջուկային զենքի» ճանապարհին։ Այս մասին այսօր Նյու Յորքում հայտարարել է ՄԱԿ-ի գլխավոր քարտուղար Անտոնիո Գուտերեշը: Ըստ նրա՝ պայմանագիրը դարձել է միջուկային զինաթափման խնդրի միջազգային մոտեցման հզոր ցուցադրում, գրում է DW-ի ռուսական ծառայությունը:
Միջուկային զենքի արգելման մասին պայմանագիրն արգելում է այս տեսակի զենքերի մշակումը, փորձարկումը, պահեստավորումը, ձեռքբերումը, տեղափոխումը և օգտագործումը: Փաստաթուղթն ընդունվել է 2017-ի հուլիսին Նյու Յորքում ՝ աշխարհի 122 պետությունների աջակցությամբ: Պայմանագիրն ուժի մեջ է մտնում 50 պետությունների կողմից վավերացումից 90 օր անց։ Անցյալ տարվա հոկտեմբերի վերջին Հոնդուրասը դարձավ այն ընդունած 50-րդ երկիրը:
Տաթև Ֆռանգյան
