18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
2320 մարդ դիմել է ՌԴ խաղաղապահ զորախմբին՝ հայտնելով անհետ կորածների մասին․ ՌԴ ՊՆ
21.01.2021 | 12:26
Ստեփանակերտում շարունակում է աշխատել ընդունելությունների կենտրոնը, որտեղ կազմակերպվել է «թեժ գիծ» ՝ Լեռնային Ղարաբաղի հակամարտության անհետ կորած մասնակիցների մասին տեղեկատվություն հավաքելու համար: Այս մասին հայտնում է ՌԴ ՊՆ-ն։
Տեղեկացվում է, որ անհետ կորածների որոնողական աշխատանքներն իրականացնում է ռուս խաղաղապահ զորախումբը՝ համագործակցելով Կարմիր խաչի միջազգային կոմիտեի, ադրբեջանական ու հայկական կողմերի հետ։
Բոլոր դիմումները ֆիքսվում են, ներառվում են տվյալների բազայի մեջ ու փոխանցվում են համատեղ որոնողական խմբերին։
«Ընդհանուր առմամբ, օգնություն ստանալու համար ավելի քան 2320 մարդ դիմել է ընդունարան, այդ թվում` 575-ը`զանգահարելով «թեժ գծին»»,- ասված է ՌԴ ՊՆ հաղորդագրության մեջ:
Տաթև Ֆռանգյան
