02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Քանի մարդ է այցելելու Ջո Բայդենի երդմնակալության արարողությանը
Քաղաքականություն
20.01.2021 | 15:08
ԱՄՆ նորընտիր նախագահ Ջո Բայդենն ու փոխնախագահ Քամալա Հարիսը այսօր կերդվեն կորոնավիրուսային համավարակի ու անվտանգության վերաբերյալ անհանգստությունների պատճառով խիստ կրճատված երդմնակալության արարողության ժամանակ, գրում է Fox news-ը։
Երդմնակալության հանձնաժողովը մեծապես խորհուրդ է տալիս մարդկանց անձնապես չայցելել միջոցառմանն ու դրան հետևել ուղիղ հեռարձակմամբ։
Մեծ էկրաններին արարողությունը չի ցուցադրվելու, հետաձգվել է նաև ճաշկերույթն ու պարահանդեսը։ Երդմնակալության միջոցառումների պաշտոնական տոմսերը սովորաբար բաժանվում են Կոնգրեսի գրասենյակների կողմից, անվճար: Սովորաբար, գրասենյակներին շուրջ 200,000 հրավիրատոմս է բաժանվել ընտրողներին հանձնելու համար։ Սակայն այս տարի հրավիրատոմսերի թիվը սահմանափակ է և այն տրվել է միայն կոնգրեսականների ու մեկ հյուրի համար, ինչը նշանակում է, որ ոչ մի ընտրողի համար տոմսեր չեն լինի։
The Washington Post -ը գրում է, որ ընդհանուր առմամբ շուրջ 2000 մարդ ներկա կլինի երդմնակալությանը, այդ թվում նաև 200 «VIP» հյուրերը։
Համեմատության համար նշենք, որ ավելի քան 500,000 մարդ է այցելել 2009 թվականանի Բարաք Օբամայի երդմնակալության արարողությանը։
Տաթև Ֆռանգյան
