12.08.2026 | 10:37
Առանձնապես խոշոր չափերով թմրամիջոցների ապօրինի շրջանառության գործով երկու անձ կալանավորվել է
Քաղաքացուն «բոշա» ասելու համար Վիգեն Սարգսյանի դեմ բողոք կուղարկվի Էթիկայի հանձնաժողով. armtimes.com
Հասարակություն
22.01.2018 | 13:16
Քաղաքացուն «բոշա» անվանելու համար ՀՀ պաշտպանության նախարար Վիգեն Սարգսյանի դեմ բարձրաստիճան պաշտոնատար անձանց էթիկայի հանձնաժողով դիմում կուղարկվի: Ֆեյսբուքյան օգտատեր Պետրոս Սարգսյանը, ում հասցեին վիրավորական արտահայտություն էր արել Վիգեն Սարգսյանը, «Հայկական ժամանակ»-ի հետ զրույցում ասաց, որ պատրաստվում է դիմել բարձրաստիճան պաշտոնատար անձանց էթիկայի հանձնաժողով:
Պաշտպանության նախարար Վիգեն Սարգսյանը հունվարի 13-ին ֆեյսբուք սոցիալական ցանցի իր էջում գրառում էր կատարել՝ առաջարկելով մարդկանց գումար հավաքել վիրավոր զինվոր Ալբերտ Դալլաքյանի վիրահատության համար: Նախարարը հայտարարել էր, որ Դալլաքյանին հնարավոր չի օրենքով սահմանված կարգով արտերկրում վիրահատելու համար փոխհատուցում տալ: Ֆեյսբուքյան օգտատեր Պետրոս Սարգսյանը նախարարի գրառման տակ մեկնաբանություն էր թողել՝ որակում տալով դրամահավաք նախաձեռնելու երեւույթին. «1000 դրամները պրծան, թե թազա բոշության ձեւ է»: Վիգեն Սարգսյանը վիրավորական պատասխան էր տվել օգտատիրոջը. «Բոշան դու ես»: Որոշ ժամանակ անց նախարարը հեռացրել է ե՛ւ օգտատիրոջ ե՛ւ իր մեկնաբանությունը, սակայն սոցիալական ցանցում բոռն քննարկում էր ծավալվել նախարարի կողմից արված վիրավորական արտահայտության շուրջ:
Պետրոս Սարգսյանը մեր զրույցում ասաց, որ էթիկայի հանձնաժողով ուշ է դիմում, քանի որ սպասել է նախարարի արձագանքին: «Լսել եմ, որ ինքը կրթված մարդ է, կզղջա իր արած արտահայտության համար ու լղոզված հայտարարություն կանի, բայց որ չի ցանկանում, դրա համար էլ բողոքում եմ»,- ասաց Պետրոս Սարգսյանը:
Մանրամասները՝ սկզբնաղբյուր կայքում:
