08.11.2024 | 15:22
Հայաստանում քաղաքականությամբ զբաղվելը դարձել է հարուստ մարդկանց և օլիգարխների մենաշնորհը․ Առաքելյան․ ՏԵՍԱՆՅՈՒԹ
Կրակի հետ նման խաղը չպետք է կրկնվի․ Գերմանիան դրական ազդակներ է նկատում Թուրքիայի վարքագծում․ AP
Քաղաքականություն
18.01.2021 | 18:36
Թուրքիայի մայրաքաղաքում տեղի կունենա Գերմանիայի արտգործնախարարի հանդիպումն իր գործընկերոջ հետ թուրք-եվրոպական հարաբերություններում փոթորկոտ տարուց հետո, գրում է Associated press-ը։
Անկարա այցի նախաշեմին Գերմանիայի ԱԳՆ ղեկավար Հայկո Մաասը խոսել է 2020 թվականի դժվարությունների մասին ու նախազգուշացրել է, որ «կրակի հետ նման խաղը չպետք է կրկնվի»։
Այցը տեղի է ունենալու ՆԱՏՕ-ի շրջանակում դաշնակից Թուրքիայի ու Հունաստանի միջև հարաբերությունների լարվածության ֆոնին։ Արևելյան Միջերկրականում էներգետիկ իրավունքների ու ծովային սահմանների շուրջ տարաձայնությունների ֆոնին երկու հարևան երկրները կանգնել էին պատերազմի եզրին, գրում է լրատվականը։
Անցած շաբաթ երկու երկրներն էլ հայտարարեցին արդյունահանման շուրջ բանակցությունների վերսկսման և երկու երկրների ղեկավարների հնարավոր հանդիպման մասին։
«Մենք ողջունում ենք այն փաստը, որ Թուրքիան տարեսկզբից խաղաղման ազդակներ է ուղարկել` ոչ միայն խոսքով, այլև գործողություններով», – ասել է Մաասը:
Նա նաև հավելել է, որ Հունաստանի հետ բանակցությունների սեղան վերադառնալը «կարևոր առաջին քայլ է», և Թուրքիայի կողմից Barbaros Hayreddin Pasa հետազոտական նավը հետ քաշելը նույնպես «դրական ազդանշան է Անկարայից»:
Տաթև Ֆռանգյան
