01.08.2026 | 19:54
«Ուժեղ Հայաստան» խմբակցության ղեկավար է ընտրվել Նարեկ Կարապետյանը, խմբակցության քարտուղար՝ Տիգրան Աբրահամյանը
Վարչապետն ասել է այն, ինչ ասել է, Պոպովը մեկնաբանել է. նախարարը՝ Արցախի կարգավիճակի և 7 շրջանի մասին. ՏԵՍԱՆՅՈՒԹ
Քաղաքականություն
14.01.2021 | 17:25
«Արցախի կարգավիճակը եղել և մնում է հակամարտության կարգավորման կարևորագույն սկզբունքը»,- այսօր ԱԺ արտաքին հարաբերությունների մշտական հանձնաժողովի հետ փակ հանդիպումից հետո լրագրողների հետ ճեպազրույցում այս մասին ասաց ՀՀ արտաքին գործերի նախարար Արա Այվազյանը՝ անդրադառնալով ԵԱՀԿ Մինսկի խմբի ռուսաստանցի համանախագահ Իգոր Պոպովի հայտարարությանը, որ «Լեռնային Ղարաբաղի խնդրի կարգավորումը Ռուսաստանը երբեք չի դիտարկել որպես Ադրբեջանին յոթ շրջանների վերադարձի հարց՝ անտեսելով կարգավիճակը»:
«Նոյեմբերի 9-ի հայտարարությունը կարգավորման փաստաթուղթ չէ, դա զինադադարի, պատերազմի ավարտի մասին փաստաթուղթ է, որը ներառում է հիմնարար սկզբունքներից մի քանիսը։ Սակայն հակամարտությունը չի կարող կարգավորված համարված լինել, քանի որ այն չի իրականացրել բոլոր հիմնարար սկզբունքները, մասնավորապես ինքնորոշման, կարգավիճակի հարցը:
Անդրադառնալով վարչապետի հոդվածին և դրան ի պատասխան ԵԱՀԿ ՄԽ ՌԴ համանախագահ Իգոր Պոպովի հայտարարությանն՝ Արա Այվազյանն ասաց.
«Վարչապետն ասել է այն, ինչ որ ասել է, Պոպովը մեկնաբանել է. վարչապետի գրածը հանել է կոնտեքստից, վարչապետն ուրիշ բաներ էլ է ասել: Ես չեմ մեկնաբանում»։
Մանրամասները՝ տեսանյութում:
