17.09.2026 | 21:00
2,6 մլն՝ Փաշինյանին, 2,1 մլն՝ նախարարներին․ զգալի կբարձրանա պաշտոնայների աշխատավարձը. ՏԵՍԱՆՅՈՒԹ
Ադրբեջանն ուզում է, որ Հայաստանն այլևս զինծառայողներ չուղարկի Ղարաբաղ․ Արա Ղազարյան. ՏԵՍԱՆՅՈՒԹ
Քաղաքականություն
14.01.2021 | 14:09
«Ադրբեջանը ձեռնամուխ է եղել նոր լեգենդ հորինելու, որի հիման վրա ուզում է ճնշում գործադրել, որ Հայաստանը այլևս զինված միավորումներ, թեկուզ օրինական, չուղարկի Արցախ»,- այս մասին «Գերիների վերադարձի արհեստական ձգձգում. ո՞րն է լինելու Հայաստանի հետագա քայլը» թեմայով քննարկման ժամանակ ասաց միջազգային իրավունքի մասնագետ Արա Ղազարյանը՝ անդրադառնալով դիտարկմանը, որ հայ ռազմագերիներին Ադրբեջանը համարում է ահաբեկիչներ:
«Մեծ ուժեր կենտրոնացնելով փոքրաքանակ հայկական զինված միավորման դեմ՝ Ադրբեջանին հաջողվեց 62 հոգու գերեվարել զինված հակամարտության ավարտից հետո և ներկայացնել լեգենդ, որ այդ զինված միավորումները անօրինական են, հայկական են, բայց գտնվում են ՀՀ միջազգայնորեն ճանաչված սահմաններից դուրս: Երբ որ հարցը տեղափոխվեց ՄԱԿ-ի հարթակ, դա արդեն բավականին պատասխանատու քայլ է, որից հետնահանջ չկա: Ադրբեջանը ՄԱԿ-ի կառույցներին խնդրեց ճնշում գործադրել Հայաստանի վրա, որպեսզի «դիվերսիոն խմբեր» չուղարկի Ադրբեջան»,- նշեց Ղազարյանը՝ հավելելով, որ Ադրբեջանը 62 հոգուն անվանելով ահաբեկիչ և ՄԱԿ-ի հարթակում նրանց ներկայացնելով որպես դիվերսին խմբեր՝ կարող է փակուղու առաջ հայտնվել:
«Ադրբեջանը պետք է փնտրի փաստական հիմք ահաբեկչության համար, ինչը չկա: Ուստի Ադրբեջանն պետք է անի այն, ինչ միշտ արել է. այդ մարդկանց պահի մեկուսացման մեջ, փորձի կորզել ցուցմունքներ, որ իրենք իբրև թե ահաբեկիչներ են, որպեսզի իրավական հիմքեր ստեղծվեն: Ադրբեջանի այս ձեռագիրը ծանոթ է: Հայաստանը փաստերի ուժով պետք է կոտրի այդ կեղծ օրակարգը՝ ցույց տալով, որ դրա նպատակը քաղաքական է, այն է՝ թույլ չտալ, որ Հայաստանի Հանրապետության տարածքից զինվորները ծառայեն ԼՂ-ում՝ դրանով թուլացնելով Արցախի պաշտպանությունը:
Մանրամասները՝ տեսանյութում:
