27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
ԱՄՆ-ում կորոնավիրուսի երկու նոր շտամ է հայտնաբերվել
Քաղաքականություն
14.01.2021 | 14:16
ԱՄՆ Օհայոյի համալսարանի գիտնականները հայտնաբերել են կորոնավիրուսի երկու նոր շտամ, նրանցից մեկը նման է «բրիտանականին», իսկ երկրորդը՝ վիրուսն ավելի վարակիչ է դարձնում, գրում է «ՌԻԱ Նովոստին»։
Ավելի վաղ, որոշ լրատվամիջոցներ, հղում կատարելով COVID-19-ի խնդրով զբաղվող Սպիտակ տան աշխատանքային խմբի զեկույցին, հայտնել էին, թե Միացյալ Նահանգներում կարող էր հայտնվել նոր, կորոնավիրուսի ավելի վարակիչ շտամ, որը մեկուկես անգամ ավելի արագ է տարածվում, քան նախորդը։ Այնուամենայնիվ, ԱՄՆ հիվանդությունների վերահսկման և կանխարգելման կենտրոնը (CDC) հերքել էր այս տեղեկատվությունը:
Ինչպես ասվում է Օհայոյի համալսարանի հայտարարության մեջ, առաջին մուտացիան, չնայած որ նման է «բրիտանականին», սակայն առաջացել է արդեն ԱՄՆ-ում։ Երկրորդ շտամը 3 գենետիկ մուտացիա է ստացել, որոնք ավելի վաղ չէին հանդիպել SARS-Cov-2-ի մոտ։
Շտամներից առաջինը վերջերս հայտնաբերվել է Օհայո նահանգում հիվանդներից մեկի մոտ, և գիտնականները դեռ չեն կարող ասել, թե որքանով է դա տարածված: Երկրորդ տարբերակը գերակշռող է դարձել Կոլումբուս քաղաքում 2020-ի դեկտեմբերի վերջին `2021 թվականի սկզբին:
Տաթև Ֆռանգյան
