16.12.2025 | 14:02
ԿԲ նախագահ Մարտին Գալստյանի ասուլիսը. ՈՒՂԻՂ
Ո՞նց կլինի նախագահը քաղաքականությամբ զբաղված չլինի. պաշտոնյաների արձագանքը՝ Սերժ Սարգսյանի հայտարարությանը
Քաղաքականություն
18.01.2018 | 19:16
Օրերս Հայաստանի նախագահ Սերժ Սարգսյանը, մտավորականների հետ հանդիպմանը ներկայացնելով իր պատկերացումը Հայաստանի 4-րդ նախագահի մասին, նշել է՝ տվյալ անձը պետք է ունենա անցած ճանապարհ, կարողանա պատշաճ մակարդակով ներկայացնել Հայաստանը և՛ երկրի ներսում, և՛ երկրից դուրս:
Ապագա նախագահը, Սերժ Սարգսյանի պատկերացմամբ, պետք է տիրապետի օտար լեզուների, ունենա լայն կապեր թե՛ սփյուռքում, թե՛ Հայաստանում, վայելի հեղինակություն և որ ամենակարևորն է՝ անկողմնակալ մարդ լինի, ով երբեք քաղաքականությամբ չի զբաղվել և կուսակցության անդամ չի եղել:
Սարգսյանի թվարկած չափանիշներն այս օրերին բուռն քննարկման առարկա են դարձել: Շատերն են փորձում գուշակել, թե ով կարող է համապատասխանել այս չափանիշներին: Ներկայացված չափանիշներից ուշագրավ է հատկապես ապագա նախագահի՝ քաղաքականությամբ զբաղված չլինելու պայմանը:
Ի՞նչ են մտածում Ազգային ժողովի պատգամավորներն ու նախարարները՝ արդյոք Հայաստանի նախագահը պետք է քաղաքականությամբ զբաղված չլինի:
Շողիկ Գալստյան
