21.05.2026 | 12:57
Էրդողանն ու Թրամփը քննարկել են Իրանի հետ հրադադարը, Սիրիան և ՆԱՏՕ-ի գագաթնաժողովը
Վրաստանում իշխող կուսակցության հիմնադիր Բիձինա Իվանիշվիլին հեռանում է քաղաքականությունից
Քաղաքականություն
11.01.2021 | 12:17
Իշխող «Վրացական երազանք – ժողովրդավարական Վրաստան» կուսակցության հիմնադիր և նախագահ, միլիարդատեր Բիձինա Իվանիշվիլին հրապարակել է բաց նամակ, որում նա հայտարարել է քաղաքականությունից հեռանալու իր որոշման մասին: Այս մասին հայտնում է Sputnik-Georgia-ն։
«Ես որոշեցի վերջապես հեռանալ քաղաքականությունից և ամբողջությամբ լքել կառավարման ղեկը: Հավատում եմ, որ իմ առաքելությունն իրականացված է: Ես լքում եմ ինչպես կուսակցության նախագահի պաշտոնը, այնպես էլ դուրս եմ գալիս կուսակցությունից, և վերադառնում եմ իմ մասնավոր կենսաձևին, որով ապրել եմ մինչ 2011 թվականը»,- գրել է Իվանիշվիլին։
Հիշեցնենք՝ 2011 թ-ին միարդատեր Իվանիշվիլին հայտարարեց քաղաքականության մեջ ներգրավվելու իր մտադրության մասին և հիմնադրեց «Վրացական երազանք – ժողովրդավարական Վրաստան» կուսակցությունը, որը, չորս այլ կուսակցությունների հետ կոալիցիա կազմելով, 2012 թվականի հոկտեմբերին կայացած ընտրություններից հետո եկավ իշխանության ՝ փոխարինելով Վրաստանի երրորդ նախագահ Միխեիլ Սաակաշվիլիի «Միացյալ ազգային շարժում» կուսակցությանը:
Տաթև Ֆռանգյան
