08.11.2024 | 15:43
Անընդունելի է, երբ օլիգարխիան սկսում է ազդել ընտրական գործընթացների վրա. Վլադիմիր Վարդանյան․ ՏԵՍԱՆՅՈՒԹ
Եվրոպայի խորհրդում ու ԵԱՀԿ-ում փոխվել են նախագահող երկրները․ DW
Քաղաքականություն
01.01.2021 | 18:15
Նոր 2021 թվականի հետ մեկտեղ Եվրոպայի խորհրդում (ԵԽ) և Եվրոպայում անվտանգության և համագործակցության կազմակերպությունում (ԵԱՀԿ) փոխվել են նախագահող երկրները: Պորտուգալիան ուրբաթ օրը ՝ հունվարի 1-ին, ռոտացիոն կարգով ստանձնել է ԵՄ օրենսդիր մարմնի ղեկավարումը՝ նախագահությունը վերցնելով Գերմանիայից: Շվեդիան ստանձնել է ԵԱՀԿ նախագահությունը: Այս մասին հայտնում է DW-ի ռուսական ծառայությունը։
Լիսաբոնի պաշտոնավարման ժամկետը կլինի վեց ամիս:
«Պորտուգալիայի համար պատիվ և մեծ պատասխանատվություն է վերցնել էստաֆետը Գերմանիայից և դաշնային կանցլեր Անգելա Մերկելից», – գրել է վարչապետ Անտոնիո Կոստան Twitter-ի իր միկրոբլոգում:
Ինչպես ակնկալվում է, Պորտուգալիայի նախագահությունը կընթանա «Գործելու ժամանակն է. հանուն արդար, կանաչ և թվային վերականգնման» նշանաբանով: Ենթադրվում է, որ առաջիկա վեց ամիսների ընթացքում օրակարգում գերակշռելու են համաճարակի հետևանքները հաղթահարելու և մեկ տարի առաջ ԵՄ անդամ պետություններին հատկացված 750 միլիարդ եվրոյի օգնությունից միջոցներ հատկացնելու հետ կապված թեմաները:
Տաթև Ֆռանգյան
