02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Ո՞վ է ձեզնից այն անմեղը, որը այս օրակարգն է բերել ԱԺ․ Արման Բաբաջանյանը՝ Նաիրա Զոհրաբյանին առնչվող նախագծի մասին. ՏԵՍԱՆՅՈՒԹ
Քաղաքականություն
29.12.2020 | 11:56
Ազգային ժողովի արտահերթ նիստում քննարկվում է Նաիրա Զոհրաբյանին որպես մարդու իրավունքների պաշտպանության և հանրային հարցերի մշտական հանձնաժողովի նախագահի լիազորությունների դադարեցման մասին ԱԺ որոշման նախագիծը:
«Տպավորություն է, որ այս ԱԺ-ն մինչև վերջ չի գիտակցում մեր երկրում խորացող ճգնաժամի ծավալները և իր դերակատարությունը: Ո՞վ է ձեզանից այն անմեղը, որը այս օրակարգն է բերել ԱԺ, թող առաջինը նետի այդ քարը: Ինչպես է ստացվել, որ ձեր աչքի գերանը ընդունակ չեք եղել տեսնել, այլ տեսնում եք ուրիշի աչքի շյուղը»,- հայտարարեց անկախ պատգամավոր Արման Բաբաջանյանը և զարմացավ, թե մի՞թե այս հարցը պետք է քննվեր Տարեմուտից առաջ:
Նա նշեց, որ շատ ավելի լավ կլիներ, որ քննվեր մեծամասնության գլխավորած հանձնաժողովներ ղեկավարների հարցը. «Այդ հանձնաժողովների ղեկավարները անգործության էին մատնված ամբողջ պատերազմի ընթացքում»:
Արման Բաբաջանյանը նշեց, որ եթե Զոհրաբյանը մի ավել, մի պակաս գրառում է արել, դրանից ընդհանուր մթնոլորտը ավելի վատը չի դարձել, և ոչ էլ այդ գրառման բացակայությունը պիտի մեր կյանքն ավելի լավը դարձներ: Պատգամավորը հավելեց, որ ինքը դեմ է լինելու այդ որոշմանը, քանի որ Նաիրա Զոհրաբյանը իր լավ բարեկամն է. «Անկախ նրանից, որ գուցե իր շեֆի վախից ինձ չի բարևում, բայց վստահ եմ, որ նա այս և հաջորդ խորհրդարանում անելիք ունի»:
Մանրամասները՝ տեսանյութում:
