08.11.2024 | 09:49
Փրկարարները քարշակել են արգելափակված բեռնատարը
ՌԴ ԱԳՆ շենքից 1 մլն դոլար են գողացել․ գողության մեջ կասկածվող սիրեկաններն ազատության մեջ են
Քաղաքականություն
24.12.2020 | 21:11
Ռուսաստանի ԱԳՆ շենքից 2019 թվականի դեկտեմբերին գողացվել է 1․066․638 դոլար։ Գլխավոր կասկածյալին ու նրա ենթադրյալ հանցակցին ձերբակալել են գողության հաջորդ օրը, սակայն մինչ օրս հայտնի չէ, թե որտեղ են գտնվում գողացված գումարները։
Այժմ երկու ձերբակալվածներն էլ ազատության մեջ են։ Նրանցից մեկն անգամ հանվել է մեղադրյալների ցանկից ու քրեական գործում ստացել վկայի կարգավիճակ։ РЕН ТВ-ի հաղորդմամբ՝ գողությունը կապված է քրեասիրային պատմության հետ, որի հերոսներից է ՌԴ ԱԳՆ արժույթաֆինանսային դեպարտամենտի փորձագետ ու առաջատար մասնագետ, 49-ամյա Նատալյա Ագալցովան ու նրա քաղաքացիական ամուսին, ծնունդով Մոլդովայի ԽՍՀ-ից Վասիլի Մակովոզը։
Նշվում է, որ 1․5 միլիոն դոլարը ՌԴ ԱԳՆ-ն ստացել է Իրանից՝ հյուպատոսական ծառայությունների համար, դրանք ուղարկված են եղել դիվանագիտական փոստով։
Այժմ Նատալյան ու Վասիլին ազատության մեջ են։ Վասիլիին ազատ էին արձակել դեռևս 2019 թվականի դեկտեմբերի 23-ին՝ ձերբակալությունից 2 օր անց, այդպես էլ մեղադրանք չառաջադրելով։ Այնուհետև, 2020 թվականի փետրվարին գործը փոխանցել են մեկ քննչական բաժնից մյուսին, իսկ հետո սկսվել է համաճարակը։ Հետաքննությունը մի քանի անգամ երկարաձգել է, իսկ Ագալցովան այժմ չհեռանալու մասին ստորագրությամբ ազատ է արձակվել։ Սեպտեմբերից Մակովոզը պաշտոնապես դադարել է լինել կասկածյալ։
Իսկ թե ուր են ՌԴ ԱԳՆ-ին պատկանող գումարները՝ անհայտ է մինչ օրս, եզրափակում է հոդվածագիրը։
Տաթև Ֆռանգյան
