17.09.2026 | 19:38
Մինսկի փողոցում սեպտեմբերի 18-ից կկազմակերպվեն հետիոտնային անցում և հասարակական տրանսպորտի կանգառներ
Ֆրանսիայում ժանդարմներին սպանած տղամարդուն մահացած են գտել․ ՆԳ նախարար
Քաղաքականություն
23.12.2020 | 15:37
Ֆրանսիայի ՆԳ նախարար Ժերալդ Դարմանենը հայտնել է, որ Պյուի դը Դոմ դեպարտամնետում ժանդարմների վրա կրակած տղամարդուն մահացած են գտել։ Նախարարը տեղեկացրել է, որ մեկնում է դեպքի վայր։
«Չարագործին մահացած են գտել։ Ես դեպքի վայր եմ մեկնում»,- գրել է նա Twitter-ում։
Իսկ Ֆրանսիայի նախագահ Էմանուել Մակրոնը հայտնել է, որ ժողովուրդը կիսում է զոհվածների ընտանիքների վիշտը։
«Նրանք միջամտել են՝ կնոջ կյանքը փրկելու համար, որն ընտանեկան բռնության զոհ էր դարձել Պյուի դը Դոմում։ 3 ժանդարմ սպանվել է, 4-րդը՝ վիրավորվել։ Ժողովուրդը կիսում է նրանց ընտանիքների վիշտը։ Մեզ պաշտպանելու համար իրավապահ համակարգի մեր աշխատակիցները վտանգում են իրենց կյանքը։ Նրանք մեր հերոսներն են»,- գրել է Մակրոնը Twitter-ի իր միկրոբլոգում։
Տաթև Ֆռանգյան
