20.05.2026 | 22:24
Շոյգուն հայտարարել է, թե ՀՀ ղեկավարության գործողությունները «չեն համապատասխանում ՌԴ-ի հետ դաշնակցային հարաբերությունների ոգուն»
Ֆրանսիայում տղամարդը կրակ է բացել ոստիկանների վրա․ կա 3 զոհ
Քաղաքականություն
23.12.2020 | 11:16
Ֆրանսիայի կենտրոնական մասում գտնվող Պյուի դե Դոմ դեպարտամենտում 48-ամյա տղամարդը կրակ է բացել ոստիկանների վրա։ Վերջին տվյալների համաձայն՝ զոհվել է 3 ժանդարմ, ևս մեկը վիրավորվել է, հայտնում է BBC-ի ռուսական ծառայությունը՝ հղում կատարելով տեղի իշխանություններին։
Միջադեպը տեղի է ունեցել գիշերը։ BFM հեռուստաալիքի տեղեկությունների համաձայն՝ ոստիկանները ժամանել են տնային բռնության մասին կանչով ու փորձել են փրկել կնոջը, որը թաքնվել է տան տանիքում։
Երբ ոստիկանները մոտեցել են շենքին, տղամարդը սկսել է կրակել։ Արդյունքում 3 ժանդարմ զոհվել է, մեկը տեղափոխվել է հիվանդանոց։ Տեղեկացվում է, որ կրակող տղամարդը 48 տարեկան է, նրա մասին այլ տեղեկություն դեռևս չեն հաղորդվում։
Տաթև Ֆռանգյան
