Քաղաքականություն
21.12.2020 | 14:16
Ստեփանակերտում ավարտվել է բլոկ-մոդուլային քաղաքի շինարարությունը՝ թվով 250 ռուս խաղաղապահների տեղակայման համար, հայտնում են ՌԴ ՊՆ-ից:
Ներկայում ավարտվում են քաղաքի ինժեներական սարքավորումների շահագործման հանձնելու աշխատանքները:
Բլոկ-մոդուլային քաղաքի համալիրում ներառված են բնակելի հատված, մարզասրահ, սպայական տուն, շոգեբաղնիք, բուժկետ, չորանոց, համազգեստի մաքրման սենյակ, հանգստի սենյակ, շտաբ և գրասենյակ, պահեստ, ճաշարան, խոհանոց, մթերային պահեստ, սանիտարական մոդուլներ, զենք և ինժեներական սարքավորումներ պահելու սենյակ։
ՌԴ ՊՆ-ից հայտնում են, որ բլոկ-մոդուլային քաղաքը թույլ կտա հարմարավետ պայմաններ ստեղծել խաղաղապահ առաքելության անձնակազմի համար։
Տաթև Ֆռանգյան
