16.05.2024 | 17:01
Փաշինյանն ընդունել է ԵՄ առևտրի գծով հանձնակատար, Եվրոպական հանձնաժողովի փոխնախագահ Վալդիս Դոմբրովսկիսին
Միգրացիոն ծառայությունում 90 հազար տեղահանված արցախցի է գրանցված․ Նելլի Դավթյան. ՏԵՍԱՆՅՈՒԹ
Հասարակություն
18.12.2020 | 16:29
Միգրացիոն ծառայությունում 90 հազար տեղահանված արցախցի է գրանցված: Հստակ չէ Արցախ վերադարձածների թիվը: Այս մասին «Տեղահանված, բայց ոչ փախստական. ինչ իրավունքով են պաշտպանված արցախցիները» թեմայով քննարկման ժամանակ այս մասին ասաց միգրացիոն ծառայության հանրային կապերի պատասխանատու Նելլի Դավթյանը:
«Մեր մեդիատիրույթում ընդունված է Հայաստանում գտնվող արցախցիներին անվանել փախստական, և սա բնական է հանրային ընկալումների տեսանկյունից, բայց ինչ վերաբերում է իրավական կարգավիճակին, նրանք փախստականներ չեն: Իհարկե փախստականանության ամբողջ ինստիտուտը նկարագրում է հենց այն երևույթը, որին ականատես եղանք նախորդ ամիսներին, մարդու կյանքին ու ազատություններին ռազմական գորողությունների հետևանքով սպառնացող վտանգի ճնշման տակ մարդիկ ստիպված լքել են իրենց բնակավայրերը և ավելի ապահով բնակության վայր են փնտրել: Բայց կան նրբություններ. գտնվելով ՀՀ-ում, նրանք մի երկրում են, որտեղ նույն էթնիկ ազգային պատկանելությունը կրող բնակչություն է, չկա ինտեգրման խնդիր, ունեն նույն անձնագիրը, ինչ ՀՀ քաղաքացին, ինչպես նաև օժտված են նույն իրավունքներով և պարտականություններով, ինչ որ ՀՀ քաղաքացիները: Այս պատճառով ՀՀ-ն չի կարող արցախցիներին տալ փախստականի կարգավիճակ»:
Մանրամասները՝ տեսանյութում:
