17.09.2026 | 16:17
Ալեն Սիմոնյանը ներկայացրել է Հայաստանի ազգային անվտանգության դոկտրինի հիմնական սկզբունքներն ու առաջնահերթությունները
Թուրքիան մտադիր չէ հետ կանգնել ռուսական С-400 զենիթահրթիռային համակարգերի ձեռքբերումից
Քաղաքականություն
17.12.2020 | 15:09
Թուրքիան մտադիր չէ հետ կանգնել ռուսական С-400 զենիթահրթիռային համակարգերի ձեռքբերումից՝ չնայած դրա համար ԱՄՆ-ի սահմանած պատժամիջոցներին: Այս մասին հայտարարել է Թուրքիայի ԱԳ նախարար Մևլութ Չավուշօղլուն, գրում է ՏԱՍՍ-ը:
«Մենք կշարունակենք քայլեր ձեռնարկել՝ մեր պաշտպանական արդյունաբերությունն ավելի անկախ դարձնելու համար: Մենք հետ չենք կանգնի C-400-ից: Պատժամիջոցները սխալ որոշում են, մենք քայլեր կձեռնարկենք»,- շեշտել է նա:
Միաժամանակ, Չավուշօղլուն պատժամիջոցներն անվանել է «միակողմանի քայլ» Միացյալ Նահանգների կողմից՝ ուղղված Թուրքիայի «ինքնիշխան իրավունքների» դեմ:
Դեկտեմբերի 14-ին ԱՄՆ իշխանությունները հայտարարել են Թուրքիայի պաշտպանական արդյունաբերության վարչակազմի, նրա ղեկավարի և հանրապետության երեք այլ քաղաքացիների՝ Մուստաֆա Ալփեր Դենիզի, Սերհաթ Գենչօղլուի և Ֆարուք Յիգիթի նկատմամբ սահմանափակումներ սահմանելու մասին՝ «Պատժամիջոցների միջոցով ամերիկյան հակառակորդների դեմ» օրենքի համաձայն:
Տաթև Ֆռանգյան
