08.11.2024 | 16:28
Հայտնի են Թրամփի վարչակազմում առանցքային պաշտոնների հիմնական թեկնածուները․ Politico
ԱՄՆ-ը կշարունակի աջակցել Բելառուսի ընդդիմությանը․ DW
Քաղաքականություն
16.12.2020 | 20:51
ԱՄՆ պետքարտուղարի տեղակալ Սթիվեն Բիգանը հաստատել է, որ ԱՄՆ-ը շարունակում է Բելառուսի ընդդիմությանն աջակցելու քաղաքականությունը։ Այս մասին նա հայտարարել է բելառուսական ընդդիմության առաջնորդ Սվետլանա Տիխանովսկայայի հետ առցանց քննարկումից հետո, փոխանցում է DW-ի ռուսական ծառայությունը։
«Պետքարտուղարի տեղակալ Բիգանը վերահաստատել է ԱՄՆ-ի վճռական աջակցությունը բելառուս ժողովրդի բարձր կոչերին՝ երկրի ճակատագիրը վճռելու հարցում իրենց ձայնը լսելի դարձնելու համար»,- ասված է հաղորդագրությունում:
Բիգանը նաև կոչ է արել Բելառուսում թափանցիկ ընտրություններ անցկացնել ու ազատ արձակել ցույցերին մասնակցելու համար բոլոր ձերբակալվածներին։
Բիգանի և Տիխանովսկայայի մասնակցությամբ քննարկումը կազմակերպել է «Մարշալի ֆոնդ»-ը, որն աշխատում է անդրատլանտյան հարաբերությունների ամրապնդման ուղղությամբ: Սվետլանա Տիխանովսկայան վերջին օրերին եղել է Բեռլինում, որտեղ հանդիպել է տեղի բելառուսցիների, Գերմանիայի նախագահ Ֆրանկ-Վալտեր Շթայնմայերի հետ, ինչպես նաև մասնակցել Բելառուսում խաղաղության համար միջկրոնական աղոթքին:
Տաթև Ֆռանգյան
