29.10.2026 | 10:20
Արտարժույթների փոխարժեքները՝ հոկտեմբերի 29-ի դրությամբ
Ծնողները տեսանյութերից ճանաչել են գերի ընկած որդիներին․ Սոֆյա Հովսեփյան. ՏԵՍԱՆՅՈՒԹ
Հասարակություն
16.12.2020 | 14:32
Հայ ժողովուրդը երբևէ չպետք է հույս ունենա, որ անվտանգությունն ապահովված կլինի Թուրքիայի կամ Ադրբեջանի կողքին, անընդհատ ռիսկեր լինելու են և կան: Այս մասին լրագրողների հետ զրույցում ասաց ԱԺ «Իմ քայլը» խմբակցության պատգամավոր Սոֆյա Հովսեփյանը:
Անդրադառնալով ԱԺ իմքայլական պատգամավորների հայտարարություններին, թե պետք է դիվանագիտական հարաբերություններ հաստատել Թուրքիայի և Ադրբեջանի հետ, Հովսեփյանը նշեց, որ իր կողմից դա ընդունելի չէ. «Եթե նրանց հետ հնարավոր չէ անգամ սահմանը գծել և անվտանգության երաշխիքներ ունենալ մասնավորապես ռուսական խաղաղապահների ներկայության դեպքում, ապա մնացած դեպքերում պետք է չափազանց զգուշավոր լինենք. մենք դարավոր պատմություն ունենք մեր մեջքի հետևում թողած»:
Անդրադառնալով դիտարկմանը, որ անընդհատ իրավիճակ է սրվում, և նոր գերեվարումների մասին է տեղեկություն տարածվել, Սոֆյա Հովսեփյանը նշեց. «Խնդիրը միգուցե մեր սպասումներ են, որ պատերազմից հետո պետք է բացարձակ խաղաղություն լինի, բայց ինչպես որ 94 թվականին՝ պատերազմից հետո, խաղաղություն չի հաստատվել, այնպես էլ այսօր չի կարող հաստատվել»:
Պատգամավորը տեղեկացրեց, որ զինծառայողների ծնողների հետ կապի մեջ է. «Ամբողջ գիշեր իրենց մտահոգությունները հայտնել են ինձ: Ծնողները տեսանյութեր են դիտել և ասում են, որ ճանաչել են գերի ընկած որդիներին: Խնդրել եմ այդ տեսանյութերը փոխանցել ինձ, սպասում եմ: Հստակ ինֆորմացիա, որ իսկապես այդ մարդիկ են եղել տեսանյութում, մինչև այս պահը ես չունեմ»:
Մանրամասները՝ տեսանյութում:
