17.09.2026 | 16:39
Դուք պետք է չլինեք ԿԸՀ նախագահ, վառ արտահայտում եք հավասարակշռության բացակայությունը․ Կարապետյան․ ՏԵՍԱՆՅՈՒԹ
«Զինվորները ավտոմատով տանկ էին կանգնեցնում»․ կամավորականների խմբի հրամանատար. ՏԵՍԱՆՅՈՒԹ
Քաղաքականություն
15.12.2020 | 20:16
«Զինվորն ու բանակը չեն պարտվել, պարտվել են քաղաքական գործիչները»,- ասում է պատերազմին մասնակցած կամավորական խմբի հրամանատար Պավել Գրիգորյանը, որը կոնտուզիա ստանալու հետևանքով Երևան է տեղափոխվել։
Կամավորականն ասում է՝ դեմ է նոյեմբերի 9-ին ստորագրված եռակողմ համաձայնագրին: «Ես չհասկացա՝ ինչու էս ամեն ինչը սենց արագ կանգնեցվեց, չէ՞ որ ձմեռ էր, մենք կկարողանայինք ավելի լավ կռվել, արդեն արծվի կռիվ էր գնալու»,- ասում է նա։
Գրիգորյանը մարտական ընկերների հետ Արցախ է մեկնել սեպտեմբերի 28-ին, մարտեր են վարել տարբեր կետերում, այդ թվում՝ Հադրութի տարածքում: «Ամենաշատ տպավորված դրվագը, որ զինվորները ավտոմատնրով տանկ կանգնեցրին, Երկրապահի տարեցների հետ»,- պատմում է Գրիգորյանը։
Հրամանատարը հիշում է, որ երբ նոյեմբերի 10-ին հայտնի դարձավ համաձայնագրի ստորագրման մասին, կյանքում առաջին անգամ տեսավ ցավից հեկեկող ընկերների։
Կամավորական խմբի հրամանատարը տեսածի մասին շատ խոսել չի ցանկանում, փոխարենը թե՛ իշխանությանը, թե՛ ընդդիմությանը կոչ է անում համախմբվել բանակի շուրջ։ Ասում է՝ վճռական մարտը դեռ առջևում է, որի ելքը պետք է հաղթանակը լինի։
Պավել Գրիգորյանն օրերս է հիվանդանոցից դուրս գրվել, արդեն ուրբաթ կրկին մեկնելու է հայրենիքի սահմանը պաշտպանելու։
Մինչ գնալն էլ զինվորներին խորհուրդ ունի՝ հարգել հրամանատարներին և ենթարկվել նրանց։
Մանրամասները՝ տեսանյութում։
Լիլիթ Շաբոյան
