02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Շուշիի Հին Շեն գյուղը շրջափակման մեջ է հայտնվել․ համայնքապետ
Քաղաքականություն
14.12.2020 | 19:26
Շուշիի շրջանի Հին Շեն գյուղը շրջափակման մեջ է հայտնվել։ Այս մասին Factor.am-ի հետ զրույցում հայտնեց Հին Շենի գյուղապետ Սամվել Սարգսյանը՝ բացատրելով, որ խոսքը ոչ թե պատերազմական շրջափակման մասին է, այլ պարզապես գյուղի միակ ճանապարհն է փակ։
«Պոստերը դրված են, մի կողմից՝ մերը, մի կողմից՝ իրենցը։ Պատերազմական շրջափակում չէ»,- հավելեց գյուղապետը։
Հարցին՝ ի՞նչ իրավիճակ է գյուղում, կրակոցներ հնչե՞լ են, գյուղապետը պատասխանեց․ «Չսպասեք, որ կրակոցներ կլինի, ինչ-որ հող կհանձնենք։ Չենք տա։ Նորմալ ա լրիվ, վտանգավոր բան չկա։ Իհարկե՝ բնակիչներ կան, կանգնել ենք, հենց գյուղի բնակչի համար ենք կանգնել։ Ճանապարհն է փակ, ելումուտ չկա»։
Սամվել Սարգսյանը նաև նշեց, որ խնդրի առնչությամբ խոսել է Արցախի Մարդու իրավունքների պաշտպան Արտակ Բեգլարյանի հետ։
«Ինքն էլ է եկել, չի կարողացել հասնի մեր գյուղ, հեռախոսով ենք շփվել իրար հետ։ Լուծման ենք սպասում, մինչև նախագահ այս հարցերը բարձրացված են։ Կարծում եմ՝ դրական արդյունք կստանանք»,- եզրափակեց համայնքի ղեկավարը։
Անժելա Պողոսյան
