02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Սեյրան Օհանյանը և բազմաթիվ այլ մարդիկ բանակի հաշվին հարստացել են, դղյակներ կառուցել. Արմեն Խաչատրյան. ՏԵՍԱՆՅՈՒԹ
Քաղաքականություն
14.12.2020 | 18:32
Գնահատակններ չեմ տա պատերազմի օրերին Սեյրան Օհանյանի գործունեությանը: Վստահ եմ, որ պատերազմի ողջ գործընթացը և տեղեկություններն այն մասին, թե ով ինչ է արել, միանշանակ պետք է խոր քննարկման առարկա դառնա: Այս մասին Factor.am-ի հետ զրույցում ասաց «Իմ քայլը» խմբակցության պատգամավոր Արմեն Խաչատրյանը՝ հավելելով, որ պետք է գնահատականներ տրվեն ուսումնասիրություններից հետո:
Իշխանության մի շարք ներկայացուցիչներ քննադատության են ենթարկել Սեյրան Օհանյանին, երբ նա հայտարարել էր, որ այս իշխանությունը՝ մասնավորապես վարչապետը, պետք է հեռանան, քանի որ նրանց մնալը անմիջական վտանգ է պետության գոյության, ինքնիշխանության համար: Անդրադառնալով այս դիտարկմանը, Արմեն Խաչատրյանը նշեց, որ ինքը նույնպես բացասաբար է վերաբերվում Օհանյանի այս հայտարարությանը: «Մարդիկ փորձում են պատերազմում կրած անհաջողությունները օգտագործել և օր առաջ լուծել իրենց առջև կանգնած քաղաքական խնդիրը… Նրանք մեկ նպատակ ունեն՝ հասնել իշխանափոխության: Շատերը խնդիր ունեն այս իշխանության հետ՝ պայմանավորված ապօրինի գույքի բռնագրավման պրոցեսի հետ, որը դեռևս ընթացքի մեջ է»,- նշեց Խաչատրյանը:
Նրա խոսքով՝ բազմաթիվ մարդիկ բանակի հաշվին հարստացել են, դղյակներ են կառուցել, գույք են ձեռք բերել. «Սա բացի հանցագործություն լինելուց անբարոյականություն է, դավաճանություն է, և մեր ազգը պիտի իմանա, թե ովքեր են այդ մարդիկ: Կարծում եմ՝ նաև Սեյրան Օհանյանն է այդ մարդկանցից»:
Մանրամասները՝ տեսանյութում:
