17.09.2026 | 19:38
Մինսկի փողոցում սեպտեմբերի 18-ից կկազմակերպվեն հետիոտնային անցում և հասարակական տրանսպորտի կանգառներ
Էդմոն Մարուքյանը՝ Վազգեն Մանուկյանի հետ հանդիպման մասին. ՏԵՍԱՆՅՈՒԹ
Քաղաքականություն
14.12.2020 | 17:05
«Մեր պատկերացումներում որևէ հակասություն չկա։ Կարծում ենք, որ հարցը պետք է լուծվի խորհրդարանում»,- այս մասին այսօր՝ դեկտեմբերի 14-ին, լրագրողների հետ ճեպազրույցում նշեց «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով իր և «Հայրենիքի փրկություն» շարժման վարչապետի թեկնածու Վազգեն Մանուկյանի հանդիպմանը։
Մարուքյանը նշեց, որ հանդիպմանը քննարկվել երկրում ներկա իրավիճակից ելքերը, ինքն իր տեսլականն է ներկայացրել, Վազգեն Մանուկյանը՝ իր։
«Մենք չենք բացառում Վազգեն Մանուկյանի թեկնածությունը և ակնկալում ենք, որ իրենք էլ չեն բացառում մեր թեկնածությունը։ Օրը գա, բարին էլ հետը։ Այդ առումով մեր շփումները շարունակվելու են, որևէ վերջնակետ մեր խոսակցության մեջ չենք դրել»,- նշեց Մարուքյանը:
«Միշտ փորձ է արվում ընդդիմության դաշտում կռիվ փնտրել, մենք բազմիցս ասել ենք՝ ընդդիմության դաշտում մենք կռիվ չունենք»,- ասաց ԼՀԿ ղեկավարը:
Մանրամասները՝ տեսանյութում:
