18.12.2025 | 23:24
ՀՀ տարածքում ավտոճանապարհները հիմնականում անցանելի են
Բրիտանական լրատվամիջոցները հայտնում են Նավալնիի կրկնակի թունավորման մասին. The Sunday Times
Քաղաքականություն
13.12.2020 | 17:18
Ռուս ընդդիմադիր գործիչ Ալեքսեյ Նավալնիին փորձել են երկրորդ անգամ թունավորել`Բեռլին թռիչքից առաջ. այս մասին գրում է բրիտանական The Sunday Times թերթը ՝ վկայակոչելով հետախուզության անանուն աղբյուրներին:
Նյութում ասվում է, որ «Նովիչոկ» կոչվող քիմիական նյութը Նավալնիի հագուստի վրա է հայտնաբերվել: Թույնը իրերի վրա է հայտնվել Տոմսկի հյուրանոցներից մեկում:
Թունավորման երկրորդ փորձը կատարվել է այն ժամանակ, երբ բլոգերը կոմայի մեջ է եղել Օմսկում՝ նախքան նրան ինքնաթիռով գերմանական կլինիկա ուղարկելը:
«Դա արվել էր այն ակնկալիքով, որ նա կմահանար մինչ Բեռլին հասնելը», – ասել է աղբյուրը:
Նշվում է, որ Նավալնիին փրկել է ատրոֆինը, որը ներարկել են բժիշկները:
Հիշեցնենք, որ Ալեքսեյ Նավալնու ինքնազգացողությունը վատացել էր օգոստոսի 20-ին օդանավում, Տոմսկից Մոսկվա ուղևորվելիս։ Օդանավն արտակարգ վայրէջք էր կատարել Օմսկում, որտեղ Նավալնուն հոսպիտալացրել են։ Նրա հարազատները հայտարարել էին, որ Նավալնուն, ամենայն հավանականությամբ, թունավորել են, սակայն Օմսկի բժիշկները հայտարարել են, որ գործչի մոտ թունավորման նախանշաններ չեն հայտնաբերել։ Մի քանի օր անց Նավալնուն բուժման նպատակով Գերմանիա էին տեղափոխել։
