02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
ՌԴ-ում զինյալն ինքնապայթեցում է իրականացրել․ կան վիրավորներ
Քաղաքականություն
11.12.2020 | 15:32
Ռուսաստանում զինյալն ինքնապայթեցում է իրականացրել՝ փորձելով ներխուժել Կարաչաևո-Չերկեսիայի Ուչկեկեն գյուղում օպերատիվ գործողությունների տարածք: Այս մասին ՏԱՍՍ-ին հայտնել են ՌԴ Ազգային հակաահաբեկչական կոմիտեի տեղեկատվական կենտրոնից:
Արդյունքում իրավապահ մարմինների վեց աշխատակից վիրավորվել է:
«Այսօր Մոսկվայի ժամանակով 12:00-ին, Կարաչաևո-Չերկեսիայի Հանրապետության Ուչկեկեն գյուղում անհայտ անձի կողմից փորձ է արվել ներխուժել այն տարածք, որտեղ իրավապահ մարմիններն իրականացնում էին օպերատիվ-որոնողական միջոցառումներ: Ձերբակալության փորձի ժամանակ հանցագործն ինքնապայթեցում է իրականացրել։ Արդյունքում թեթև մարմնական վնասվածներ է ստացել իրավապահ մարմինների 6 աշխատակից»,- ասվում է հաղորագրության մեջ։
Նշվում է, որ քաղաքացիական անձանց շարքում զոհեր չկան: Տուժածներին բուժօգնություն է ցուցաբերվում։
Ինքնապայթեցում իրականացրած անձի ինքնությունը հստակեցվում է, օպերատիվ-որոնողական աշխատանքները շարունակվում են։
Տաթև Ֆռանգյան
