18.11.2024 | 22:30
Ադրբեջանի նավթագազային եկամուտները կնվազեն ավելի քան 441 մլն դոլարով․ ֆինանսների նախարար
Բժիշկ Տարոն Տոնոյանը նշեց, որ հրաժարվել է նախագահական գնալ ու մեդալ ստանալ. ՏԵՍԱՆՅՈՒԹ
Հասարակություն
09.12.2020 | 17:44
Զարմացած եմ. հայրենիքի կորստից հետո տասը անգամ, 100 անգամ բազմամարդ պետք է լիներ մեր հավաքը: Այս մասին այսօր՝ դեկտեմբերի 9-ին, ԱԺ-ի դիմաց ընդդիմության հանրահավաքում հայտարարեց ՀՅԴ Հայաստանի ԳՄ անդամ, բժիշկ-ազատամարտիկ Տարոն Տոնոյանը:
«Ապշած եմ, պետք է հացի գինը 50 դրամով բարձրանա, որ մեր ձայնը բազմապատկվի և լսելի դառնա՞: Մենք հայրենիք ենք կորցրել և շարունակում ենք կորցնել: Այսօր երկրում անիշխանություն է, վարչապետը զբաղվեծ է միայն սեփական աթոռը ամեն գնով պահելով, նա ժամանակ չունի սահմաններով զբաղվելու, բանակով զբաղվելու, որպեսզի հայ ժողովուրդը պաշտպանված լինի:
Երկրի բազմաթիվ մարդկանց կոչերը մնում են անարձագանք իշխանությունների կողմից: Ո՞ւմ հետ եք վաղն աշխատելու, ինչպես եք ղեկավարելու, ձեզ ոչ ոք չի ուզում: Ձեզ աջակցողները Քելբաջարի ու Ջաբրայիլի տեղը չգիտեն:
Ես այսօր կոչ եմ անում իմ բժիշկ ընկերներին՝ այդքան անտարբեր մի եղեք, ձեր ձայնը բարձրացրեք որպես մտավորականության մի մաս, որպեսզի լսելի դառնա այս ԱԺ-ում, որտեղ նիստ են անցկացնում: Նրանք ամեն օր փորձում են իրենց շարքերը համալրել: Ով է տեսել պարտված պետությունը այս քան շատ շքանշան ու մեդալ բաժանի: Որպեսզի կարողանա այդ մարդկանց ևս զերծ պահել այս պայքարից»- նշեց Տոնոյանը:
«Այսօր ինձ զանգել են առողջապահության նախարարությունից և ասել, որ պետք է ներկայանամ նախագահական և շքանշան կամ մեդալ պետք է տան: Ես դա վաստակել եմ այն զինվորների բերանից, որոնք ասել են՝ շնորհակալություն բժիշկ: Ես այդ մեդալից հրաժարվել եմ, որովհետև չեմ ուզում ապազգային, իրենց կյանքում ոչինչ չարած, հայրենիքին դավաճանած մարդկանց ձեռքից մեդալներ ստանալ»,- հայտարարեց Տոնոյանը:
Մանրամասները՝ տեսանյութում:
