17.09.2026 | 11:51
«Ասում ա՝ ղարաբաղցի ա ու տուն ունի, ոնց ես կարողացել փստցնես»․ Կարապետյանը՝ Փաշինյանի ելույթի մասին․ ՏԵՍԱՆՅՈՒԹ
ԱՄՆ-ն Տաջիկստանը և Թուրքմենստանը դասել է դավանանքի ազատությունը ոտնահարող երկրների շարքին
Քաղաքականություն
08.12.2020 | 21:37
ԱՄՆ-ն Տաջիկստանն ու Թուրքմենստանը դասել է այն պետությունների շարքին, որոնք առանձնակի անհանգստություն են հարուցում դավանանքի ազատության ոլորտում խախտումների հարցում։ Այդ երկրների ցուցակը ներկայացվել է ԱՄՆ պետքարտուղար Մայք Պոմպեոյի հայտարարության մեջ, գրում է DW-ի ռուսական ծառայությունը։
Նախկին հետխորհրդային երկրներից զատ՝ 10 երկրներից բաղկացած ցուցակում ներառվել են Բիրման, Իրանը, Չինաստանը, Հյուսիսային Կորեան, Պակիստանը, Սաուդյան Արաբիան ու Էրիթրեան։
Ռուսաստանը Կոմորյան կղզիների, Կուբայի ու Նիկարագուի հետ միասին ներառվել է, այսպես կոչված, դիտարկվող հատուկ ցուցակում։ Այդ պետությունների իշխանությունները զբաղվել են կամ թույլ են տվել դավանանքի անկախության լուրջ ոտնահարումներ, պարզաբանել են ԱՄՆ պետքարտուղարությունից։
Միևնույն ժամանակ, Սուդանն ու Ուզբեկստանը բացառվել են այս ցուցակից։ Վաշինգտոնն այս որոշումը բացատրել է զգալի առաջընթացով, ինչին այդ երկրների իշխանությունները հասել են վերջին տարվա ընթացքում։
«Նրանց համարձակ բարեփոխումներն օրինակելի են այլ ազգերի համար»,- նշել է ԱՄՆ պետքարտուղարը:
Տաթև Ֆռանգյան
