27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Պենտագոնի ղեկավարն առաջին անգամ աֆրոամերիկացի կլինի․ Politico
Քաղաքականություն
08.12.2020 | 13:38
ԱՄՆ նախագահական ընտրություններում հաղթած նախագահ Ջո Բայդենը մտադիր է Պենտագոնի ղեկավար նշանակել պաշտոնաթող գեներալ Լլոյդ Օսթինին, գրում է Politico-ն՝ վկայակոչելով իր իրազեկված աղբյուրներին։
Եթե այս տեղեկույունը հաստատվի, ապա Օսթինը կդառնա ԱՄՆ պատմության մեջ առաջին սևամորթ պաշտպանության նախարարը։
Օսթինը եղել է առաջին աֆրոամերիկացին, որի ենթակայության տակ է եղել դիվիզիա մարտական գործողությունների ժամանակ, և որը եղել է ԱՄՆ ԶՈՒ կենտրոնական հրամանատարության ղեկավար: Նա թոշակի է անցել 2016 թվականին, իսկ վերջին օրերին դարձել է Պենտագոնի ղեկավարի պաշտոնի գլխավոր հավակնորդներից մեկը:
Թերթը գրում է, որ Օսթինի նշանակման մասին կարող է հայտարարվել արդեն երեքշաբթի առավոտյան:
Ավելի վաղ Բայդենը հայտարարել էր Սպիտակ տան աշխատակազմի ղեկավար Ռոն Քլայնի նշանակման մասին, որը նախկինում զբաղեցնում էր նրա խորհրդականի պաշտոնը: Պետքարտուղարի առանցքային պաշտոնը կզբաղեցնի Էնթոնի Բլինքենը, որը Բարաք Օբամայի պաշտոնավարման տարիներին զբաղեցնում էր պետքարտուղարի տեղակալի պաշտոնը։
Տաթև Ֆռանգյան
