27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
Էրդողանը Մակրոնին «բեռ» է անվանել Ֆրանսիայի համար
Քաղաքականություն
04.12.2020 | 18:11
Թուրքիայի նախագահ Ռեջեփ Թայիփ Էրդողանը հայտարարել է, որ Ֆրանսիան զրկվել է իր վստահությունից՝ որպես Լեռնային Ղարաբաղի հարցով ԵԱՀԿ Մինսկի խմբի համանախագահ, իսկ նախագահ Էմանուել Մակրոնը այդ երկրի համար խնդիր է հանդիսանում, գրում է ՌԻԱ Նովոստին։
«Ֆրանսիան կորցրել է իր վստահությունը ՝ որպես Լեռնային Ղարաբաղի հիմնահարցի կարգավորման միջնորդ: Ֆրանսիան Մակրոնի հետ ապրում է շատ վտանգավոր ժամանակաշրջան: Ես ուզում եմ, որ նա շուտ ազատվի Մակրոնի բեռից», – լրագրողների հետ զրույցում հայտարարել է Էրդողանը:
Հիշեցնենք՝ Լեռնային Ղարաբաղում հակամարտությունը սրվեց սեպտեմբերի վերջին: Ռուսաստանի, Ադրբեջանի և Հայաստանի ղեկավարներ Վլադիմիր Պուտինը, Իլհամ Ալիևը և Նիկոլ Փաշինյանը նոյեմբերի 10-ին համատեղ հայտարարություն ստորագրեցին՝ Լեռնային Ղարաբաղում ռազմական գործողությունների ամբողջական դադարեցման մասին: Ըստ այդմ, Հայաստանն ու Ադրբեջանը կանգ են առել իրենց գրաված դիրքերում, այնուհետև մի շարք շրջաններ անցել են Բաքվի վերահսկողության տակ, շփման գծի և Լաչինի միջանցքի ողջ երկայնքով տեղակայվել են ռուս խաղաղապահներ:
Տաթև Ֆռանգյան
