02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Գերմանիան գնահատել է ԵԱՀԿ ՄԽ դերակատարությունը ԼՂ հակամարտության հաստատուն կարգավորման հարցում
Քաղաքականություն
03.12.2020 | 16:52
Գերմանիան կարծում է, որ ԵԱՀԿ Մինսկի խումբը համապատասխան գործիք է Լեռնային Ղարաբաղում հաստատուն կարգավորման հասնելու համար։ Այս մասին հայտարարել է Գերմանիայի ԱԳՆ ղեկավար Հայկո Մաասը, գրում է ՌԻԱ Նովոստին։
«Եվրոպան վերջին 30 տարում դարձել է ավելի ժողովրդավար, ազատ ու հարուստ։ Սակայն այսօր մենք կրկին պետք է գործ ունենանք ավելացող ճգնաժամերի ու հակամարտությունների հետ, այդ թվում՝ Եվրոպայում»,- հայտարարել է նա ԵԱՀԿ ԱԳՆ ղեկավարների խորհրդի նիստի ժամանակ։
Այդ պատճառով, ըստ Մաասի, ԵԱՀԿ դերակատարությունը պահանջված է որպես միջազգային, բազմակողմանի ֆորում հակամարտությունները կարգավորելու համար, այդ թվում՝ սովորական սպառազինության վերահսկման ոլորտում։
Խոսելով կոնկրետ հակամարտության գոտիների մասին՝ նա հիշեցրել է վերջերս գրանցված Լեռնային Ղարաբաղի հակամարտության սրումը։
«Մեր կարծիքով՝ Մինսկի խումբը նախկինի պես մնում է միակ համապատասխան շրջանակը տեղի բնակչության համար քաղաքական կարգավորում ու հաստատուն խաղաղություն ապահովելու համար։ Մինսկի խումբն ունի մանդատ, ունի ներուժ վստահության կառուցման հաստատման համար։ Բացի այդ, անհրաժեշտ է մեծացնել տեղում ԵԱՀԿ նախագահության լիազորությունները»,- հայտարարել է Մաասը։
Տաթև Ֆռանգյան
