08.11.2024 | 17:20
Վարչապետ Փաշինյանի գլխավորությամբ տեղի է ունեցել գյուղատնտեսության ապահովագրության ոլորտին վերաբերող խորհրդակցություն
Արիզոնա ու Վիսկոնսին նահանգները հայտարարել են Բայդենի հաղթանակի մասին․ DW
Քաղաքականություն
01.12.2020 | 17:48
ԱՄՆ Արիզոնայի ու Վիսկոնսինի իշխանությունները բոլոր ձայների հաշվարկից հետո այսօր պաշտոնապես հայտարարել են այս նահանգներում Ջո Բայդենի հաղթանակի մասին, գրում է DW-ի ռուսական ծառայությունը։
Վիսկոնսինում Բայդենը գործող ղեկավար Դոնալդ Թրամփից առաջ է անցել 20 հազար ձայնով։ Արիզոնայում, որտեղ Թրամփը պարտվել է 10․5 հազար ձայնով, 1996 թվականից մինչ օրս առաջին անգամ է հաղթել Դեմոկրատական կուսակցության թեկնածուն։
Արիզոնայում քվեարկության արդյունքների հաստատումից հետո պարզ է դարձել, որ Սենատի ընտրություններում հաղթել է դեմոկրատ Մարկ Քելլին, ով, ի դեպ, 4 անգամ տիեզերք է թռել։ Այսպիսով՝ դեմոկրատները ձևավորվող Սենատում 100-ից 48 տեղ են ստացել արդեն, մինչդեռ ներկայիս Սենատում նրանց ներկայացուցիչների թիվ 47 է։
Թրամփի թիմը, չցանկանալով ճանաչել Բայդենի հաղթանակը, նախաձեռնել է մի շարք նահանգներում ձայների վերահաշվարկ։ Միայն Վիսկոնսինում գործընթացի ծախսերը կազմել է 7,9 միլիոն դոլար։ Այս մասին հայտնել է նահանգի նախընտրական հանձնաժողովը։ Տեղի օրենսդրության համաձայն՝ ծախսված գումարը պետք է վճարի Թրամփի թիմը։
Տաթև Ֆռանգյան
