09.02.2026 | 19:44
Հայաստանն ԱՄՆ-ից ձեռք է բերել V-BAT տեսակի անօդաչու թռչող սարքեր․ Փաշինյան. ՏԵՍԱՆՅՈՒԹ
Թուրքիան շարունակում է ՌԴ-ի հետ բանակցությունները ԼՂ-ում մոնիթորինգի կենտրոնի շուրջ․ Հուլուսի Աքար
Քաղաքականություն
30.11.2020 | 19:01
Թուրքիան շարունակում է Ռուսաստանի հետ բանակցությունները Լեռնային Ղարաբաղում մոնիթորինգի կենտրոնի տեխնիկական ասպեկտների վերաբերյալ։ Այս մասին հայտարարել է Թուրքիայի պաշտպանության նախարար Հուլուսի Աքարը, գրում է ՌԻԱ Նովոստին՝ վկայակոչելով թուրքական Anadolu-ն։
«Ռուս զինվորականների պատվիրակության հետ մեր բանակցությունները Ղարաբաղում մոնիթորինգի կենտրոնի տեխնիկական հարցերի շուրջ շարունակվում են՝ համաձայն պլանավորված գրաֆիկի»,- հայտարարել է նա։
Հիշեցնենք՝ Անկարան ու Մոսկվան նոյեմբերի 11-ին հուշագիր են ստորագրել Ղարաբաղում հրադադարի ռեժիմի պահպանման վերահսկման համատեղ կենտրոնի վերաբերյալ։ Մինչ այդ, ՌԴ նախագահի խոսնակ Դմիտրի Պեսկովը հայտարարել էր, որ Մոսկվան ու Անկարան կաշխատեն Ղարաբաղի շուրջ Ադրբեջանի տարածքում տեղակայված մոնիթորինգի կենտրոնի միջոցով և որ համատեղ խաղաղապահ ուժերի մասին խոսք չկա։
Տաթև Ֆռանգյան
