18.11.2024 | 19:42
Ադրբեջանում բանտարկված ընդդիմադիր կին լրագրողները ֆիզիկական բռնության են ենթարկվել
Պետք է սթափ գիտակցենք՝ ինչ ենք ուզում, որպեսզի ամեն ինչ չավարտվի հերթական իշխանափոխությամբ․ Բաբայան. ՏԵՍԱՆՅՈՒԹ
Քաղաքականություն
27.11.2020 | 16:10
«Բոլոր ողբերգությունների հիմքում այն է, որ այդպես էլ չորոշվեց մեր արժեքային համակարգը։ Ամեն ինչ մնաց թղթի վրա, խոսակցությունների մեջ, մարդը չդարձավ մեծագույն արժեք»,- «Հանրային համերաշխության հաստատման ուղին. քաղհասարակության դերը» թեմայով քննարկմանն ասաց Հովհաննես Թումանյանի անվան տիկնիկային թատրոնի տնօրեն Ռուբեն Բաբայանը։ Նրա խոսքով՝ թիվ մեկ խնդիրը գերի ընկած զինվորների վերադարձն է և անհետ կորածներին գտնելը:
«Մենք պետք է սթափ գիտակցենք՝ ինչ ենք ուզում ունենալ, որպեսզի ամեն ինչ չավարտվի հերթական իշխանափոխությամբ, երբ բոլորը բողոքում են համակարգից, երբ հասնում են իշխանության, այդ համակարգում հանգիստ տեղավորվում են, և որևէ բան չի փոխվում։ Չկա լավ, վատ իշխանություն, վերահսկվող իշխանությունը լավն է, անվերահսկելին՝ վատը։
Այն քաղաքական ուժը, որը չի կարողանում ապահովել կոնսենսուս հասարակության մեջ, չի կարող շարունակել իշխել»,- ասաց Բաբայանը։
«Այդ կոնսենսուստը մենք ինչի՞ շուրջ ենք ստեղծելու՝ որոշակի անհատի՞, թե՞ որոշակի գաղափարի, մենք երիտասարդ սերունդներին ժառանգելո՞ւ ենք այս ամբողջ համակարգը, որ կա սպասվող սպառնալիքներով, թե՞ փորձելու ենք այլ մոդել ձևակերպել»,- ասաց Բաբայանը։ -Մենք հասկանում ենք, թե ինչ ենք մերժում։ Միանշանակ հասկանալի է, այստեղ երկու կարծիք չկա։ Բայց ի՞նչ ենք ուզում և արդյո՞ք կարող ենք այդ գաղափարի շուրջ ունենալ լայն կոնսենսուս։ Ես դեռ չգիտեմ»։
Մանրամասները՝ տեսանյութում:
