01.04.2026 | 14:00
Բանակցություններից հետո Պուտինն ու Փաշինյանը կշարունակեն շփումը աշխատանքային նախաճաշի շուրջ
Գերմանիայի Բունդեսթագը կողմ է արտահայտվել ԼՂ հակամարտության կարգավորմանը մասնակցելուն
Քաղաքականություն
27.11.2020 | 13:00
Գերմանիան պետք է ակտիվորեն մասնակցի Լեռնային Ղարաբաղի հակամարտության խաղաղ կարգավորմանն ու նպաստի տարածաշրջանի բնակիչների միջև իրավահավասար հարաբերությունների և խաղաղության հաստատմանը։ Այս մասին ասվում է իշխող կոալիցիայի հայտարարության մեջ, որին նոյեմբերի 26-ին կողմ է արտահայտվել Բունդեսթագի պատգամավորների մեծամասնությունը, գրում է DW-ի ռուսական ծառայությունը։
Բացի այդ, փաստաթղթում նշվում է, որ Թուրքիան Կովկասում այնպիսի քաղաքականություն է վարում, որը չի նպաստում դիվանագիտական մակարդակով Լեռնային Ղարաբաղի հակամարտության խաղաղ կարգավորման գործընթացին։
«Դրա փոխարեն Թուրքիան, Ռուսաստանի հետ առանձին պայմանավորվածությունների միջոցով, փորձում է տարածաշրջանում առանձին կողմերի շահերն առաջ տանել»,- ասվում է «մեծ կոալիցիայի» հայտարարության մեջ։
Ինչպես Անկարային, այնպես էլ Մոսկվային Բունդեսթագի պատգամավորները կոչ են անում չօգտագործել 3-րդ երկրներին՝ իրենց քաղաքական նպատակներին հասնելու համար։
Տաթև Ֆռանգյան
