08.11.2024 | 11:32
Գյումրու ավագանու նիստը հետաձգվել Է. քվորում չկա․ ՏԵՍԱՆՅՈՒԹ
Ամերիկացիներն այսօր Thanksgiving՝ գոհաբանության տոնն են նշում. ինչից է սկիզբ առել հնդկահավին ներում շնորհելու ավանդույթը. VOA
Քաղաքականություն
26.11.2020 | 20:18
Ամերիկյան առավել անսովոր ավանդույթներից մեկում, ամենամյա Thanksgiving-ին՝ գոհաբանության տոնին հնդկահավը ընտանեկան ընթրիքի գլխավոր մասն է, որին ներում է շնորհվում ԱՄՆ գործող նախագահը: Այս ամենամյա նախագահական ավանդույթը երկար պատմություն ունի. գրում է VOA-ն:
Հնդկահավին երբևէ արձանագրված ներումը եղել է Նախագահ Աբրահամ Լինքոլնի կողմից, որի որդին՝ Թադը, խնդրել էր նրան չուտել հնդկահավը, որը տրվել էր նախագահին:
Բայց դա ավանդույթ չդարձավ մինչև ավելի նոր ժամանակներ: Նախագահներ Ջոն Քենեդին, Ռոնալդ Ռեյգանը և Ռիչարդ Նիքսոնը ժամանակ առ ժամանակ միայն ներում էին շնորհում հնդկահավերին:
Միայն նախագահ Ջորջ Բուշ ավագի կառավարման ժամանակ, 1989 թ., արարողությունը դարձավ ամենամյա միջոցառում: «Ի վերջո, այս հնդկահավը ներկայացնում է 45 միլիոն հնդկահավերին, ովքեր սկսում են իրենց անփոխարինելի ներդրումն ունենալ մեր Thanksgiving տոնին»,-ասել էր ԱՄՆ նախկին նախագահ Ջորջ Բուշ ավագը:
Թռչունների ընտրությունը տևում է մի քանի ամիս, որն իրականացվում է հնդկահավի ազգային ֆեդերացիան:
Ի վերջո ընտրվում են երկուսը, մեկը Սպիտակ տան Վարդերի պարտեզում կայանալիք արարողության համար, իսկ մյուսը պահուստային:
Թռչունների անուններն ընտրում են տարրական դասարանների երեխաները:
Նախագահների մեծ մասը արարողությունն օգտագործում է որպես զվարճանալու առիթ:
Thanksgiving-ից առաջ հնդկահավերին տեղափոխում են Վաշինգտոնի կենտրոնում գտնվող հյուրանոց:
Այնտեղ նրանց կերակրում են եգիպտացորենով, հապալասով և պատրաստումֆոտոսեսիայի: Դրանից հետո տանում են Սպիտակ տուն:
ԱՄՆ նախագահ Դոնալդ Թրամփ. «Հնդկահավեր, ես ձեզ շատ հաջողություն եմ ցանկանում: Բայց ես սրանով լիովին ներում եմ շնորհում ձեզ»:
Արարողությունից հետո ներված թռչուններն իրենց կյանքի մնացած մասն անցկացնում են Վիրջինիայի պոլիտեխնիկական ինստիտուտում:
