14.12.2025 | 15:17
Ուկրաինան հարվածել է Ուրյուպինսկի նավթաբազայի և Յարոսլավլի նավթավերամշակման գործարանին
«Լավ եմ անում, ձենդ կտրի». լարված իրավիճակ՝ ԱԺ-ում. ՏԵՍԱՆՅՈՒԹ
Քաղաքականություն
26.11.2020 | 17:00
ներկայումս ռազմական դրությունն իր հետ բերում է մի շարք խնդիրներ, խոչընդոտներ: ԱԺ արտահերթ նիստում ԼՀԿ-ի նախաձեռնած՝ Ռազմական դրությունը վերացնելու մասին օրենքի նախագծի քննարկման ժամանակ այս տեսակետը հայտնեց ՀՀ ազգային ժողովի փոխնախագահ, «Բարգավաճ Հայաստան» խմբակցության անդամ, ԱԺ փոխնախագահ Վահե Էնֆիաջյանը:
«Բոլորի համար ակնհայտ է, որ ռազմական դրությունը որևիցե իրավական հենք չունի և իրականության մեջ որևիցե գործողություն այլևս չի համակարգում: Ավելին՝ ներկայումս ռազմական դրությունն իր հետ բերում է մի շարք խնդիրներ և խոչընդոտներ, որպեսզի թե ՀՀ-ում, թե ՀՀ-ից դուրս հնարավոր լինի ավելի արդյունավետ գործունեություն ծավալել, մասնավորապես՝ հնարավոր լինի օգտվել Սահմանադրությամբ ամրագրված մի շարք գործիքակազմերից՝ խաղաղ հավաքներից, քննարկումներից և ստեղծված իրավիճակի պատասխանատուներին պատասխանատվության ենթարկել»,- նշեց Էնֆիաջյանը:
Պատգամավորը նաև դժգոհություն հայտնեց այն առիթով, որ ԱԺ-ի պաշտոնական կայքում հրապարակում են իշխող քաղաքական ուժի քաղաքական հայտարարությունները, իսկ ընդդիմադիր խմբակցությունների հայտարարությունները չեն ներկայացվում:
Էնֆիաջյանը մտահոգություն հայտնեց ռազմագերիների, Արցախի համայքներում ստեղծված իրավիճակի առնչությամբ: «Մարդիկ անհույս վիճակում են, այս պահին էլ Լաչինից տեղահանում են մարդկանց. ո՞ւր են պետական այրերը, ո՞ւր է պետական քաղաքականությունը: Մարդիկ մնացել են միայնակ իրենց խնդիրների հետ»,- նշեց Էնֆիաջյանը:
Նրա ելույթին տեղից արձագանքեց իմքայլական պատգամավոր Անդրանիկ Քոչարյանը, ում Էնֆիաջյանն ամբիոնից պատասխանեց. «Ձենդ կտրի՛, բան ունես ասելու, արի ստեղից ասա»:
Մանրամասները՝ տեսանյութում:
