02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Մերկելը կոչ է արել գերմանացիներին՝ տրամադրվել երկարատև լոքդաունի․ DW
Քաղաքականություն
26.11.2020 | 16:41
Գերմանիայի բնակիչները պետք է տրամադրվեն, որ կորոնավիրուսային հիվանդությամբ պայմանավորված սահմանափակումներն ուժի մեջ կմնան առնվազն մինչև հունվար, մոտ ապագայում թուլացում չի ծրագրվում։ Այս մասին հայտնել է Գերմանիայի կանցլեր Անգելա Մերկելը Բունդեսթագում ունեցած ելույթում, գրում է DW-ի ռուսական ծառայությունը։
Կանցլերի խոսքով՝ քանի որ Գերմանիայում SARS-CoV-2 կորոնավիրուսով վարակի օրական դեպքերը չեն նվազում, սահմանափակումների թուլացումն անհնար է:
«Մեր նպատակը եղել և մնում է վարակվածների թվի կրճատումը, որպեսզի առողջապահական բաժանմունքները կարողանան հետևել և կանխել վարակի շղթան»,- ասել է Մերկելը՝ պարզաբանելով, որ խոսքը 7 օրվա ընթացքում 100 հազար բնակչի հաշվով վարակման 50 դեպքի մասին է:
Նա նաև հիշեցրել է, որ դեկտեմբերի 23-ից մինչ հունվարի 1-ը, հաշվի առնելով տոները, կթույլատրվեն մինչև 10 հոգանոց հավաքույթները՝ չհաշված մինչև 14 տարեկան երեխաները, սակայն, սրա հետ մեկտեղ, կոչ է արել քաղաքացիներին կրճատել շփումները։
Տաթև Ֆռանգյան
