02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Ասել, որ իշխանությունը պարտվել է և պետք է հեռանա՝ տրամաբանական չէ. Արփի Դավոյան. ՏԵՍԱՆՅՈՒԹ
Քաղաքականություն
26.11.2020 | 16:25
«Այս պատերազմում մենք պարտվել ենք: Կան մարդիկ, որոնք ասում են, որ պարտված իշխանությունը այլևս չի կարող լինել իշխանություն: Ես համաձայն չեմ: Ասել, որ իշխանությունը պարտվել է և պետք է հեռանա՝ տրամաբանական չէ: Այս մասին ԱԺ-ում լրագրողների հետ զրույցում ասաց «Իմ քայլը» խմբակցության պատգամավոր Արփի Դավոյանը՝ հավելելով, որ իշխանությունը բազմաթիվ անելիքներ ունի:
«Մեր ընդդիմախոսներն ասում են, որ պարտված վարչապետը պետք է հեռանա, կարծիք են հայտնում, որ պարտությունը որբ է, սակայն այս պարտությունը որբ չէ: ՀՀ վարչապետը ԱԺ ամբիոնից խոսել է պատասխանատվության մասին: Որևէ մեկը պատասխանատվությունից չի փորձում խուսափել: Այս ամենին քաղաքական աստառ տալը իրավիճակին ոչ համապատասխան եմ համարում»,- ասաց պատգամավորը:
Արփի Դավոյանը նաև ընդգծեց, որ ռազմական դրությունը որևէ կապ չունի քաղաքական գործընթացների հետ: Նրա խոսքով՝ ռազմական դրության պահպանումը որևէ կերպ ինքնանպատակ չի կարող լինել և կապված չէ որևէ ներքաղաքական իրադարձության հետ, ընդամենը կապված է հետպատերազմյան գործողությունների հետ:
Մանրամասները՝ տեսանյութում:
