01.11.2024 | 23:19
Հրդեհ Գյումրու տներից մեկում
Ինչո՞ւ չի կայանում ռազմական դրության վերացման հարցով ԱԺ պաշտպանության հանձնաժողովի նիստը. այն հետաձգվեց արդեն երրորդ անգամ
Քաղաքականություն
25.11.2020 | 16:29
Այսօր նախատեսված է ԱԺ պաշտպանության և անվտանգության հարցերի մշտական հանձնաժողովի արտահերթ նիստը, որը, սակայն, չի կայանում։ Նիստը նախատեսված էր առավոտյան 11։00-ին, սակայն հանձնաժողովից հայտնեցին, որ այն տեղափոխվել է 16։30-ին, իսկ քիչ առաջ էլ պարզվեց, որ 17։30-ին է լինելու։
Factor.am-ին հանձնաժողովից փոխանցեցին, որ չգիտեն, թե ինչու է հետաձգվում նիստը։ Նշենք, որ նիստի օրակարգում «Լուսավոր Հայաստան» խմբակցության հեղինակած նախագիծն է, որով առաջարկվում է վերացնել երկրում հայտարարված ռազմական դրությունը։
Հանձնաժողովից «Լուսավոր Հայաստան» խմբակցության ներկայացուցիչ Գևորգ Գորգիսյանը Factor.am-ին փոխանցեց, որ թեև քվորում կա, քանի որ ընդդիմության պատգամավորները պատրաստ են ներկայանալ, բայց նիստը չի կայանում։
«Ես ենթադրում եմ, որ «Իմ քայլը» խմբակցության պատգամավորները չեն գալիս, չեն կարողանում բերել։ Վախենում են՝ ընդդիմությունը մեծամասնություն լինի։ Երկու պատգամավոր՝ մեր, երկու հոգի էլ՝ ԲՀԿ խմբակցությունից են։ Եթե հիմա մենք գնանք և ներկա լինի հանձնաժողովի նախագահ Անդրանիկ Քոչարյանը, ապա քվորումը լինում է հօգուտ ընդդիմության, ենթադրում եմ, որ չեն կարողանում իրենց պատգամավորներին բերել»,- ասաց Գորգիսյանը։
Նարեկ Կիրակոսյան
