18.12.2025 | 23:24
ՀՀ տարածքում ավտոճանապարհները հիմնականում անցանելի են
ՆԱՏՕ-ն կքննարկի Աֆղանստանից զորքերը դուրս բերելու հարցը
Քաղաքականություն
24.11.2020 | 13:24
2021 թվականի փետրվարին ՆԱՏՕ-ի անդամ երկրների պաշտպանության նախարարները կքննարկեն Աֆղանստանում իրենց զորակազմը թողնելու կամ դուրս բերելու հարցը՝ համաձայն Միացյալ Նահանգների և արմատական «Թալիբան» շարժման միջև ձեռք բերված համաձայնագրի, գրում է DW-ի ռուսական ծառայությունը:
«Մենք, որպես ՆԱՏՕ-ի դաշնակիցներ, պետք է շատ բարդ որոշում կայացնենք»,- հայտարարել է ՆԱՏՕ-ի գլխավոր քարտուղար Յենս Ստոլտենբերգը Funke Mediengruppe-ին տված հարցազրույցում։
Ստոլտենբերգը նախազգուշացրել է ՆԱՏՕ-ի գործընկերներին՝ զերծ մնալ զորքերի չափից շուտ դուրս բերելուց։
«Մենք պետք է կշռադատենք ծախսերը: Եթե մնանք Աֆղանստանում, մենք, իհարկե, կշարունակենք մնալ բարդ ռազմական գործողության մեջ ներգրավվելու վտանգի տակ: Եթե շատ շուտ հեռանանք, Աֆղանստանը կարող է նորից դառնալ միջազգային ահաբեկիչների համար անվտանգ հանգրվան, իսկ «Իսլամական պետությունը» կարող է փորձել Աֆղանստանում ստեղծել ահաբեկչական խալիֆայություն, որը նախկինում ոչնչացվել էր Սիրիայում և Իրաքում»,- ասել է Դաշինքի ղեկավարը:
Նա հավելել է, որ կազմակերպությունը ողջունում է թալիբների ու Աֆղանստանի իշխանությունների միջև ուղիղ բանակցություններն ու պատրաստ է երկրում մնալ ավելին, քան անհրաժեշտ է։
Հավելենք, որ ՆԱՏՕ-ի ռազմական կոնտինգենտն ուղարկվել է Աֆղանստան 2001 թվականի սեպտեմբերին ԱՄՆ-ի դեմ ահաբեկչություններից հետո։
Տաթև Ֆռանգյան
