08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ՌԴ-ն Հունաստանից ռազմական արտադրանքը ՀՀ վերարտահանելու հարցումներ չի ստացել. Զախարովա
Քաղաքականություն
27.11.2024 | 20:22
Ռուսաստանը Հունաստանի իշխանություններից ոչ մի հարցում չի ստացել ռուսական ռազմական արտադրանքն այլ երկրներ վերարտահանելու վերաբերյալ։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով հունական լրատվամիջոցների լուրերը, թե Աթենքը պատրաստվում է C-300 համակարգերը փոխանցել Հայաստանին։
Նա հիշեցրել է 1995 թվականի հոկտեմբերի 30-ի ռազմատեխնիկական համագործակցության երկկողմ միջկառավարական համաձայնագրերի և 2013 թվականի դեկտեմբերի 3-ի ռազմական արտադրանքի մատակարարման մասին դրույթների պահպանման անհրաժեշտությունը։
«Դրանք միանշանակ արգելում են Հունաստանին վերարտահանել մեր կողմից մատակարարվող ռազմական տեխնիկան՝ առանց Ռուսաստանի համաձայնության, սակայն այս պահին մենք հունական կողմից որևէ հարցում չենք ստացել»,- ասել է Զախարովան։
Ավելի վաղ հունական լրատվամիջոցները հայտնել էին, որ Հունաստանն իր C-300 զենիթահրթիռային համակարգերը և ռուսական արտադրության ևս երկու այլ զինատեսակներ, որոնք օգտագործվել են երկրի հակաօդային պաշտպանության համար, փոխանցելու է Հայաստանին։
Թարգմանությունը՝ Էմմա Չոբանյանի
