19.12.2025 | 13:13
ՄԱԿ-ի Գլխավոր վեհաժողովը թարմացրել է Ուկրաինայում ՌԴ-ի իրականացրած խախտումների վերաբերյալ բանաձևը. ինչպես է քվեարկել ՀՀ-ն
ՌԴ-ն հուսով է, որ Հայաստանը կվերադառնա ՀԱՊԿ շրջանակում լայնածավալ համագործակցությանը
Քաղաքականություն
27.11.2024 | 19:54
Ռուսաստանը հուսով է, որ Հայաստանը կվերականգնի լիարժեք գործընկերությունը ՀԱՊԿ շրջանակներում, Երևանի համար դռները բաց են։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք ակնկալում ենք, որ ելնելով բարեկամ երկրի և ամբողջ տարածաշրջանի ապագա անվտանգության շահերից՝ մեր գործընկերությունը Հայաստանի հետ ՀԱՊԿ շրջանակում լիովին կվերականգնվի: Մենք հաստատում ենք, որ այս փուլում Երևանի համար դռները բաց են ՀԱՊԿ-ում լայնածավալ համագործակցությանը վերադառնալու համար»,- ասել է Զախարովան։
Նա նշել է, որ Ռուսաստանը կասկածի տակ չի դնում յուրաքանչյուր պետության ինքնիշխան իրավունքը՝ ինքնուրույն որոշել իր արտաքին քաղաքական կուրսը, այդ թվում՝ ՀԱՊԿ միջոցառումներին մասնակցելու հարցում։
«Երևանը դե յուրե մնում է ՀԱՊԿ լիիրավ անդամ, որը Հարավային Կովկասում խաղաղության և կայունության ապահովման այլընտրանք չունեցող մեխանիզմ է»,- նշել է Զախարովան։
Ըստ ռուսաստանցի պաշտոնյայի՝ Հայաստանը պահպանում է բոլոր համապատասխան իրավունքներն ու պարտականությունները։
Թարգմանությունը՝ Էմմա Չոբանյանի
