25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
ՀՀ ԱԳՆ-ն՝ ԵՏՄ նիստը Սանկտ Պետերբուրգում անցկացնելու մասին
Քաղաքականություն
27.11.2024 | 21:44
Եվրասիական տնտեսական բարձրագույն խորհրդի՝ մայիսի 8- ին Մոսկվայում կայացած նիստի ընթացքում անդամ երկրների ղեկավարների կողմից որոշում է ընդունվել հաջորդ հերթական նիստն անցկացնել դեկտեմբերին Սանկտ Պետերբուրգում, այս մասին Factor.am-ին հայտնեց ԱԳՆ խոսնակ Անի Բադալյանը` պատասխանելով հարցին, թե որն է Հայաստանում նիստը չանցկացնելու պատճառը:
«ԵՏՄ շրջանակներում գործող կանոնակարգով նախատեսված չէ, որ Եվրասիական տնտեսական բարձրագույն խորհրդի նիստն անպայմանորեն անց է կացվում ԵՏՄ կանոնադրական մարմիններում նախագահող անդամ պետությունում: Համապատասխանաբար, Եվրասիական տնտեսական բարձրագույն խորհրդի նիստերի անցկացման կարգի՝ հաջորդ հերթական նիստի անցկացման ժամկետների և վայրի մասին որոշումն ընդունվում է դրան նախորդող նիստի ընթացքում»,- մեկնաբանեց նա:
Ավելի վաղ հարցի վերաբեյալ Factor.am-ը փորձել էր պարզաբանում ստանալ Էկոնոմիկայի նախարարից: Գևորգ Պապոյանը տեղյակ չէր, թե ինչու ԵՏՄ խորհրդի նիստը Հայաստանում չի անցկացվելու:
Հիշեցնենք` ՌԴ նախագահի օգնական Յուրի Ուշակովը հայտարարել էր, որ Հայաստանի խնդրանքով ԵՏՄ խորհրդի նիստը տեղի կունենա Ռուսաստանի տարածքում՝ Սանկտ Պետերբուրգում, դեկտեմբերի 25-ին, թեև այդ նիստը նախագահելու է ՀՀ վարչապետ Փաշինյանը:
Մանյա Պողոսյան
