08.11.2024 | 17:20
Վարչապետ Փաշինյանի գլխավորությամբ տեղի է ունեցել գյուղատնտեսության ապահովագրության ոլորտին վերաբերող խորհրդակցություն
Արեք այն, ինչ անհրաժեշտ է․ Դոնալդ Թրամփն ընդունել է նախագահական ընտրությունների արդյունքները
Քաղաքականություն
24.11.2020 | 11:29
ԱՄՆ գործող նախագահ Դոնալդ Թրամփը, որը մի քանի շաբաթ շարունակ հերքում էր ԱՄՆ նախագահական ընտրություններում Դեմոկրատական կուսակցության թեկնածու Ջոզեֆ Բայդենի հաղթանակը, վերջ ի վերջո համաձայնել է գործել արձանագրությունների համաձայն։
Ավելի վաղ ԱՄՆ ընդհանուր հարցերով վարչությունը (GSA) հայտնել էր երկրում իշխանության փոխանցման գործընթացը սկսելու պատրաստակամության մասին։ Այդ մասին GSA ղեկավար Էմիլի Մերֆին հայտնել էր ԱՄՆ նորընտիր նախագահ Ջո Բայդենին ուղարկված նամակում։
Այս իրադարձությանը Դոնալդ Թրամփն արձագանքել է իր Twitter-ի միկրոբլոգում արված գրառմամբ:
«Ի շահ մեր երկրի՝ խորհուրդ եմ տալիս Էմիլիին և նրա թիմին անել այն, ինչ անհրաժեշտ է ՝ համաձայն սկզբնական արձանագրությունների: Իմ թիմին ևս խորհուրդ եմ տվել անել նույնը», – գրել է Թրամփը:
Տաթև Ֆռանգյան
