17.09.2026 | 18:59
Թուրք ընդդիմադիր պատգամավորը Հայաստան-Թուրքիա սահման է այցելել և կոչ է արել բացել այն
Թրամփի ու Բայդենի թիմերի միջև հաղորդակցության պակասը` ի վնաս համաճարակի դեմ պայքարի. VOA
Քաղաքականություն
23.11.2020 | 22:47
ԱՄՆ-ի նախագահի պաշտոնում ընտրված Ջո Բայդենը շարունակում է Սպիտակ տուն տեղափոխվելու պատրաստությունները և արդեն սկսելու է հայտարարել նախարարների իր խորհրդի անդամների անունները: Ներկա նախագահ Դոնալդ Թրամփն էլ շարունակում է չընդունել նոյեմբերյան ընտրությունների արդյունքը, և այժմ միայն շատ փոքր է նրա և նրան հաջորդող վարչակազմերի միջև հաղորդակցությունը. գրում է VOA-ն:
Հաղորդակցության բացակայությունն ամենաշատը կարող է ազդել կովիդ հիվանդության դեմ պայքարի վրա: Ինչպես Բայդենի երդմակալությունից հետո Սպիտակ տան աշխատակազմի ղեկավարի պաշտոնը ստանձնելուն սպասող Ռոբերտ Քլեյնն է ասում, անցումային իրենց թիմն այսօր չի կարողանում կապ հաստատել գործակալության պաշտոնատար անձանց հետ, որպեսզի կարողանան կազմել հիվանդույթան դեմ պայքարում իրենց ծրագրերը:
Moderna եւ Pfizer ընկերություններն անցյալ շաբաթ հայտարարեցին փորձարկումների 90 տոկոսի հաջող արդյունքների մասին: Թրամփի թիմը պատրաստ է պատվաստումներն առաքել հաստատումից 24 ժամվա ընթացքում: Սակայն Թրամփի գիտական հարցերով խորհրդական Մոնսեֆ Սլաուին ասում է, թե ապատեղեկատվության արդյունքում ամերիկացիները կարող են չափից շատ հուսադրվել այդ լուրերով: Նրա խոսքերով, պատվաստանյութերի մասին հաղորդագրությունները երբեմն չափազանցվում են քաղաքական դրդապատճառներով:
ԱՄՆ-ում մինչ այժմ կովիդ 19 հիվանդությամբ վարակվել է ավելի քան 12 միլիոն մարդ, մահացել` մոտ 260 հազարը: Եվ թե ինչպես ընթացող քաղաքական իրարանցումը կազդի պատվաստանյութերի հասանելիության վրա, ցույց կտա մինչեւ հունվարի 20-ը ընկած ժամանակահատվածը:
