25.04.2026 | 15:40
Մեզ պետք է հասկանալ՝ ինչքան երջանիկ ենք, որ ունենք Հայաստանի Հանրապետությունը․ Փաշինյան․ ՏԵՍԱՆՅՈւԹ
Երևան և Բաքու այցելող ՌԴ կառավարության անդամները կքննարկեն համաձայնագրի իրականացման կետերը․ Պուտին. ՏԵՍԱՆՅՈՒԹ
Քաղաքականություն
20.11.2020 | 21:30
Լեռնային Ղարաբաղի հակամարտության գոտում օպերատիվորեն իրականացված ականազերծումը թույլ է տվել հուսալի կապ ապահովել տարածաշրջանում, իսկ ռուսական խաղաղապահների տեղակայումը՝ դադարեցնել արյունահեղությունը և խուսափել նոր զոհերից։ ԼՂ-ում ռուսական խաղաղապահ առաքելությանը նվիրված խորհրդակցության ժամանակ այս մասին ասել է ՌԴ նախագահ Վլադիմիր Պուտինը։
«Մեր զինվորականները կրակի դադարեցման ռեժիմի արդյունավետ վերահսկողություն են իրականացնում, որը պահպանվում է երկու կողմից էլ։ Իրադրությունն ընդհանուր առմամբ կայունացել է»,- արձանագրել է Պուտինը։
Նա նշել է, որ մշտական կապի մեջ է Հայաստանի և Ադրբեջանի գործընկերների հետ, և պայմանավորվել են, որ առաջիկայում Երևան և Բաքու ռուսական միջգերատեսչական պատվիրակություն կմեկնի։
«Պատվիրակության խնդիրն է՝ դիտարկել նոյեմբերի 9-ի եռակողմ հայտարարության իրականացման հարցերը»,- նշել է ՌԴ նախագահը։
Հավելենք, որ խորհրդակցությանը մասնակցել են ՌԴ կառավարության մի շարք անդամներ, այդ թվում՝ ԱԳ նախարար Լավրովը, ԱԻ նախարար Զինիչևը, ՊՆ նախարար Շոյգուն, Անվտանգության դաշնային ծառայության ղեկավար Բորտնիկովը և Արցախում խաղաղապահ առաքելության ղեկավար Մուրադովը։
Մանրամասները՝ տեսանյութում։
