01.11.2024 | 23:19
Հրդեհ Գյումրու տներից մեկում
ՊՆ փոխնախարարը՝ Վաղարշակ Հարությունյանի հետ աշխատելու մասին. ՏԵՍԱՆՅՈՒԹ
Քաղաքականություն
20.11.2020 | 14:08
Այսօր Ազգային ժողով էր ժամանել ՊՆ փոխնախարար Մակար Ղամբարյանը՝ Դավիթ Տոնոյանի՝ պաշտպանության նախարարի պաշտոնից հեռանալու և Վաղարշակ Հարությունյանին այդ պաշտոնում նշանակելու տեղեկությունների հաստատումից կարճ ժամանակ անց:
Factor.am-ին նա փոխանցեց, որ խորհրդարան է եկել Ազգային ժողովի պաշտպանության և անվտանգության հարցերի մշտական հանձնաժողովում քննարկման մասնակցելու համար։
Անդրադառնալով Մովսես Հակոբյանի երեկ հնչեցրած հայտարարության վերաբերյալ հարցին՝ զենքերի ձեռբերման պլանը փոխվե՞լ է, թե՞ ոչ, Ղամբարյանը պատասխանեց. «Այդ հարցերը ուղղեք այն մարդկանց, ովքեր զբաղվում են պլանավորմամբ»:
Անդրադառնալով հարցին՝ Նիկոլ Փաշինյանը հրաման տվե՞լ է, որ պատերազմի առաջին օրերին ԶՈւ լրահամալրում տեղի չունենա, ինչպես որ հայտարարեց Մովսես Հակոբյանը, Ղամբարյանը պատասխանեց. «Դրանք այն հարցերն են, որոնց անգամ իմ մակարդակի պաշտոնյաները չեն առնչվում»:
Հարցին՝ արդյոք պատրաստվում է հրաժարական տալ, թե ցանկություն ունի աշխատել Վաղարշակ Հարությունյանի հետ՝ լինելով Դավիթ Տոնոյանի կադրը՝ պաշտպանության փոխնախարարը նշեց. «Այն պաշտոնը, որում ես աշխատել եմ, կախված չէ անձերից և փոխհարաբերություններից: Շատ հավանական է իմ և՛ աշխատելը, և՛ չաշխատելը»:
Մանրամասները՝ տեսանյութում:
