18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Համաճարակ․ ՅՈՒՆԻՍԵՖ-ը զգուշացրել է մի ամբողջ սերնդի վտանգված ապագայի մասին
Քաղաքականություն
19.11.2020 | 12:57
ՄԱԿ-ի մանկական հիմնադրամը (ՅՈՒՆԻՍԵՖ) մտահոգված է «կորսված սերնդի» երեխաների ի հայտ գալու հնարավորության առիթով՝ համաճարակի «երկարաժամկետ ազդեցության» պատճառով նրանց կրթության, սննդի և ընդհանուր բարեկեցության պատճառով: Այս մասին ասվում է միջազգային կազմակերպության զեկույցում, փոխանցում է DW-ի ռուսական ծառայությունը։
ՅՈՒՆԻՍԵՖ-ի գործադիր տնօրեն Հենրիետա Ֆորը պարզաբանել է, որ նոր տիպի կորոնավիրուսով վարակվելու դեպքում երեխաները հիմնականում ունենում են «թեթև ախտանշաններ»: Այս առումով, շատ ավելի լուրջ սպառնալիք են համաճարակի պատճառով առանցքային ծառայությունների մատակարարման խափանումները և աղքատության մակարդակի կտրուկ աճը:
«Մի ամբողջ սերնդի ապագան վտանգված է»,- նախազգուշացրել է Ֆորը:
Կազմակերպության զեկույցում նշվում է, որ նոյեմբերի 3-ի դրությամբ՝ աշխարհի 87 երկրներում երեխաների ու մինչև 20 տարեկան երիտասարդների 9-ից միայն 1-ի մոտ է գրանցվում կորոնավիրուս։
Կան համոզիչ ապացույցներ, որ անվտանգության հիմնական միջոցառումների առկայության դեպքում, եթե դպրոցները շարունակեն գործել, օգուտները կգերազանցեն դրանց փակման ծախսերը: Այս տարվա նոյեմբերի դրությամբ, դպրոցների փակումն այս կամ այն կերպ ազդել է 30 երկրների 572 միլիոն աշակերտների վրա: Այս ցուցանիշը համապատասխանում է ամբողջ աշխարհում ուսանողների ընդհանուր թվի 33 տոկոսին:
Տաթև Ֆռանգյան
