24.02.2026 | 16:43
ՀԷՑ-ում ավարտվել են բարձրավոլտ ենթակայանների ստուգայցերը․ արձանագրվել են համակարգային խնդիրներ
Լավրովը հանդիպել է ԵԱՀԿ ՄԽ համանախագահ Իգոր Պոպովի և ԼՂ հարցով ԵԱՀԿ գործող նախագահի անձնական ներկայացուցչի հետ
Քաղաքականություն
18.11.2020 | 21:02
Նոյեմբերի 18-ին ՌԴ ԱԳ գործերի նախարար Սերգեյ Լավրովն ընդունել է ԵԱՀԿ Մինսկի խմբի համանախագահներ Իգոր Պոպովին (Ռուսաստան), Ստեֆան Վիսկոնտիին (Ֆրանսիա), Էնդրյու Շեֆերին (ԱՄՆ), ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրշիկին: Այս մասին տեղեկացնում է ՌԴ ԱԳՆ-ն։
«Խորհրդակցությունների ընթացքում քննարկվել է Լեռնային Ղարաբաղում և նրա շուրջ ստեղծված իրավիճակը՝ Ադրբեջանի Հանրապետության նախագահի, Հայաստանի Հանրապետության վարչապետի և Ռուսաստանի Դաշնության նախագահի՝ հրադադարի և բոլոր ռազմական գործողությունների դադարեցման մասին ս.թ. նոյեմբերի 9-ի հայտարարությունից հետո: Քննարկվել են երեք երկրների հետագա միջնորդական ջանքերի համակարգման հարցերը»,- ասվում է հաղորդագրությունում։
